మన దగ్గర అంటే సీక్వెల్స్ కి సరైన కథలు లేక హిట్స్ అవ్వడం లేదు కానీ ఇతర ఇండస్ట్రీ లలో మాత్రం సీక్వెల్ సినిమాలు ఎప్పటికప్పుడు రూపొందుతూ మంచి కథలను ఎంచుకుంటూ వాటితో కూడా హిట్స్ కొడుతున్నారు. ఇక బాలీవుడ్ లో అయితే ఒక హిట్ మూవీ వస్తే చాలు, ఆ సినిమా క్రేజ్ ని క్యాష్ చేసుకోవడానికి ఒకటి తర్వాత ఒకటి సీక్వెల్స్ వస్తూనే ఉంటాయి అన్న విషయం తెలిసిందే.
ఇక సౌత్ విషయం లో మన తో పోల్చితే తమిళ్ ఇండస్ట్రీ నుండి సీక్వెల్స్ ఎక్కువగా రాగా ఇప్పుడు మరో సెన్సేషనల్ మూవీ కి సీక్వెల్ ని అనౌన్స్ చేశారు, ఆ సినిమా నిన్న మొన్న హిట్ అయిన సినిమా కి సీక్వెల్ కాదు ఏకంగా 27 ఏళ్ల క్రితం…
సౌత్ తో పాటు ఇండియా మొత్తాన్ని ఒక ఊపు ఊపి తర్వాత అలాంటి కాన్సెప్ట్ తో అనేక సినిమాలు రూపొందిన సినిమా… ఆ సినిమానే శంకర్ డైరెక్షన్ లో వచ్చిన మొట్ట మొదటి సినిమా జెంటిల్ మాన్. 1993 లో వచ్చిన ఈ సినిమా సౌత్ లో సెన్సేషనల్ బ్లాక్ బస్టర్ గా నిలిచింది.
అలాంటి సినిమా తో పాటు, ప్రభుదేవా హీరోగా ప్రేమికుడు, నాగార్జున తో రక్షకుడు తో పాటు అనేక భారీ బడ్జెట్ మూవీస్ ని నిర్మించిన కుంజుమోన్ రీసెంట్ గా జెంటిల్ మాన్ సినిమా కి సీక్వెల్ ని అనౌన్స్ చేసి షాక్ ఇవ్వగా అత్యంత భారీ బడ్జెట్ తో అధునాతన సాంకేతిక నిపుణులతో ఈ సినిమాను రూపొందించబోతున్నట్లు చెప్పారు.
కానీ డైరెక్టర్ ఎవరనేది, స్టార్ కాస్ట్ గురించి ఏమాత్రం న్యూస్ లు చెప్పలేదు, మొదటి సినిమా డైరెక్ట్ చేసిన శంకర్ ఇప్పుడు ఇది వరకు తన డైరెక్షన్ లో వచ్చిన భారతీయుడు సినిమాకి సీక్వెల్ ఇండియన్ 2 చేస్తున్న విషయం తెలిసిందే. దాంతో డైరెక్టర్ గా ఎవరిని పెడతారు అన్నది ఆసక్తి గా మారింది… ఒక్కసారిగా ఈ క్రేజీ ప్రాజెక్ట్ తో తమిళ్ లో మంచి జోష్ వచ్చింది అని చెప్పాలి.
