టాలీవుడ్ మెగాస్టార్ చిరంజీవి యమ జోరు మీడున్నారు, కెరీర్ లో 10 ఏళ్ళు గ్యాప్ తీసుకున్న తర్వాత ఖైదీ నంబర్ 150 తో అల్టిమేట్ కంబ్యాక్ ఇచ్చిన మెగాస్టార్ తర్వాత రెండున్నర ఏళ్ళు కష్టపడి చేసిన సైరా నరసింహా రెడ్డి రెండు తెలుగు రాష్ట్రాల లో అల్టిమేట్ రికార్డు లతో దుమ్ము లేపింది. ఇక సైరా రన్నింగ్ లో ఉండ గానే మెగాస్టార్ చిరంజీవి కమిట్ అయిన మూవీస్ లో ఒక్కోటి మొదలు పెడుతున్నారు.
ముందుగా రీసెంట్ గా మెగాస్టార్ చిరంజీవి మరియు టాప్ డైరెక్టర్స్ లో ఒకరైన కొరటాల శివ ల కాంబినేషన్ లో ఎప్పుడో కన్ఫాం అయిన మూవీ మొదలు కాగా మొదలు పెట్టారో లేదో సినిమా స్టొరీ గురించి, ఎవరెవరు నటిస్తున్నారో అన్న వార్తలు సోషల్ మీడియా లో చక్కర్లు కొడుతున్నాయి.
ఇక వాటికి తోడూ సినిమా టైటిల్ ఇదే అంటూ ఒక టైటిల్ ఇండస్ట్రీ లో సోషల్ మీడియా లో బాగానే చక్కర్లు కొడుతుంది, ఆ టైటిలె “గోవింద ఆచార్య”. టైటిల్ బాగానే ఉన్నా ఈ టైటిల్ కన్ఫామా కాదా అన్న విషయం ఇప్పుడు అఫీషియల్ గా యూనిట్ వర్గాలు రివీల్ చేశాయి.
“బయట వినిపిస్తున్న టైటిల్స్ ఏవి ఫైనల్ కావని, ఇంకా అఫీషియల్ గా ఎలాంటి టైటిల్ ని అనుకోలేదని, త్వరలోనే కన్ఫాం అయ్యాక అప్ డేట్ చేస్తామని” యూనిట్ సోషల్ మీడియా లో రివీల్ చేసింది. దాంతో సగం క్లారిటీ వచ్చింది. ఇక ఈ సినిమా లో మెగాస్టార్ తో పాటు రామ్ చరణ్ కూడా ఒక స్పెషల్ రోల్ చేయబోతున్నట్లు టాక్.
శరవేగంగా షూటింగ్ జరుపుకోనున్న ఈ సినిమా ను అన్నీ అనుకున్నట్లు జరిగితే వచ్చే ఏడాది సమ్మర్ కానుకగా రిలీజ్ చేయాలని భావిస్తున్నారట. మళ్ళీ కమర్షియల్ బాట పట్టిన మెగాస్టార్ ఈ సారి కొరటాల అండతో మరెన్ని బాక్స్ ఆఫీస్ రికార్డులను తిరగారాస్తాడో వచ్చే సమ్మర్ లో తేలనుంది…
