ప్రస్తుతం లాక్ డౌన్ కొనసాగుతున్న విషయం తెలిసిందే, ఇది ఎప్పటికి క్లియర్ అవుతుందో అస్సలు చెప్పలేం, రోజు రోజు కి కేసులు తగ్గక పోవడం తో రానున్న రోజుల్లో పరిస్థితులు మరింత కష్టతరంగా మారే అవకాశం కూడా ఉంది, ఇక సినిమాల పరంగా చూసుకుంటే ఇప్పట్లో థియేటర్స్ తెరిచే అవకాశం చాలా తక్కువే అని అంటున్నారు. ఒకవేళ పరిస్థితులు మొత్తం చక్కదిద్దుకున్నా కానీ జనాలు భారీ సంఖ్య లో థియేటర్స్ కి…
వచ్చే అవకాశం కూడా తక్కువే.. ఇలాంటి సమయం లో OTT ప్లాట్ ఫామ్స్ అయిన నెట్ ఫ్లిక్స్, అమెజార్ ప్రైమ్, హాట్ స్టార్ లాంటి స్ట్రీమింగ్ యాప్స్ కి రోజు రోజు కి వ్యూవర్స్ పెరిగి పోతున్నారు. ఇక ప్రస్తుత పరిస్థితులను క్యాష్ చేసుకోవాలని వాళ్ళు కూడా ట్రై చేస్తున్నారు.
టాలీవుడ్ లో ప్రస్తుతం రిలీజ్ డేట్ ప్రకటించి లాక్ డౌన్ వలన ఆగిపోయిన సినిమాలను రిలీజ్ కి ముందే స్ట్రీం చేయాలనే ఆలోచనలో ఉండగా సినిమాల రేంజ్ ని బట్టి భారీ రేటు ఆఫర్ చేస్తున్నాయట ఈ యాప్స్. అందులో లేటెస్ట్ గా నాని 25 వ సినిమా V The Movie కి…
ఏకంగా 30 కోట్ల రేంజ్ ఆఫర్ దక్కిందనే టాక్ ఇండస్ట్రీలో చక్కర్లు కొడుతుంది, థియేట్రికల్ రన్ లో సాధించే ఆ కలెక్షన్స్ మొత్తం ఒకేసారి ఇచ్చేసి సినిమాను స్ట్రీమింగ్ యాప్ లో టెలికాస్ట్ చేయాలని ఆఫర్ ఇచ్చారట. దాంతో టాలీవుడ్ మొత్తం షాక్ అవుతుంది, కానీ నిర్మాతలు మాత్రం నో చెప్పారని అంటున్నారు.
ఎంత లేట్ అయినా ఆడియన్స్ థియేటర్స్ లో చూసే ఎంజాయ్ చేయాలని ఇలా చేస్తే కష్టం అని వారు భావిస్తున్నారట. స్ట్రీమింగ్ యాప్స్ లో సినిమా టెలికాస్ట్ చేసినా తర్వాత రోజే ఆన్ లైన్ సినిమా రావడం ఖాయం. దాంతో ఇది మంచి నిర్ణయం కాదని వాళ్ళు భావిస్తున్నారట. మరి వేరే తక్కువ బడ్జెట్ మూవీస్ కి ఈ ఆఫర్ వెళ్తే వాళ్ళు ఏమంటారో పరిస్థితులే నిర్ణయిస్తాయి అని చెప్పొచ్చు.
