మాస్ లో మంచి క్రేజ్ ఉన్న టాలీవుడ్ హీరోల్లో గోపీచంద్ కూడా ఒకరు… కెరీర్ ని హీరోగా మొదలు పెట్టి వర్కౌట్ అవ్వక విలన్ గా మారి అల్టిమేట్ ట్రాక్ రికార్డ్ ను సొంతం చేసుకుని తిరిగి హీరోగా మారి మాస్ హిట్స్ కొట్టి జోష్ మీదున్నా తర్వాత వరుస ఫ్లాఫ్స్ వెక్కిరించడం అప్పుడప్పుడు మంచి సినిమాలు పడ్డా అవి సరిగ్గా ఆడక పోవడం గోపీచంద్ కెరీర్ కి ఎదురుదెబ్బగా నిలిచాయి.
బాక్స్ ఆఫీస్ దగ్గర గోపీచంద్ నటించిన సినిమాల్లో క్లీన్ హిట్ ని అందుకున్న సినిమా లౌక్యం వచ్చి 6 ఏళ్ళు అవుతుంది, లేటెస్ట్ మూవీస్ అన్నీ కూడా బాక్స్ ఆఫీస్ దగ్గర బొక్క బోర్లా పడ్డాయి. ప్రస్తుతం చేస్తున్న సీటిమార్ తో కంబ్యాక్ ఇవ్వాలని చూస్తున్నాడు గోపీచంద్..
కానీ సంపత్ నంది ట్రాక్ రికార్డ్ కూడా అంత బాగా ఏమి లేదు.. కానీ ఎప్పుడైనా అద్బుతాలు సృష్టించగలడు… ఇక లేటెస్ట్ గా గోపీచంద్ పై ఒక రూమర్ ఇండస్ట్రీ లో చక్కర్లు కొడుతుంది. ఆ న్యూస్ కనుక నిజం అయితే గోపీచంద్ కచ్చితంగా బాక్స్ ఆఫీస్ దగ్గర సాలిడ్ కంబ్యాక్ ఇవ్వడం ఖాయమని చెప్పొచ్చు.
బాక్స్ ఆఫీస్ దగ్గర డైరెక్టర్ గా తీసిన సినిమాల్లో ఎక్కువ శాతం విజయాలను సొంతం చేసుకున్న డైరెక్టర్స్ లో మారుతి ఒకరు, లాస్ట్ ఇయర్ వచ్చిన ప్రతిరోజూ పండగే బ్లాక్ బస్టర్ హిట్ అవ్వగా కొత్త సినిమాను ఇప్పటి వరకు కమిట్ కాని మారుతి యంగ్ హీరోలందరి దగ్గరకు వెళ్లి కథలు వినిపించినా సెట్ కాలేదట.
కాగా అనుకోకుండా గోపీచంద్ ని కలవడం కథ ని వినిపించడం జరిగిందని… లేటెస్ట్ టాలీవుడ్ బజ్…ఇది ఎంతవరకు నిజం అన్నది ఇంకా తెలియాల్సి ఉండగా ఒకవేళ నిజం అయితే కనుక మళ్ళీ లౌక్యం రేంజ్ హిట్ మినిమమ్ అయినా గోపీచంద్ ఖాతాలో పడే అవకాశం ఉంటుందని చెప్పొచ్చు. చూడాలి మరి ఏం అవుతుందో అని…
