స్టార్ హీరోలు టెలివిజన్ లో షోలు హోస్ట్ చేయడం అన్నది కామన్ గా జరుగుతూ వస్తున్నదే, కానే ఈ మధ్య ఎక్కువగా స్టార్స్ హోస్ట్ చేసిన షోలు స్టార్ మా ఛానెల్ కే పరిమితం అయ్యాయి. ముందు కింగ్ నాగార్జున మీలో ఎవరు కోటీశ్వరుడు షో ని హోస్ట్ చేయగా తర్వాత అదే షో ని మెగాస్టార్ చిరంజీవి హోస్ట్ చేశారు. తర్వాత యంగ్ టైగర్ ఎన్టీఆర్ బిగ్ బాస్ ని తెలుగు లో లాంచ్ చేసి స్టార్ మా ఛానెల్ కి తిగురు లేని రేటింగ్ లను తెచ్చి పెట్టి టాప్ లో పెట్టాడు.
అప్పటి నుండి స్టార్ మా ఛానెల్ తిరుగు లేకుండా టాప్ రేటింగ్ లతో దూసుకు పోతుంది, బిగ్ బాస్ సీజన్ 1 కి ముందు 4 వ ప్లేస్ లో ఉన్న స్టార్ మా ఛానెల్ తర్వాత నంబర్ 1 ప్లేస్ లో దూసుకు పోతూ ఉండగా ఒకప్పుడు టాప్ ఛానెల్ గా ఉన్న జెమినీ టీవీ మాత్రం ఇప్పుడు కేవలం సినిమాల విషయం లో…
మాత్రమే తన ప్రభావం చూపుతూ టాప్ రేటింగ్ లు సాధిస్తున్న కానీ అది స్టార్ మా లో వచ్చినంతగా అయితే రావడం లేదు, ఇక సీరియల్స్ లాంటివి అయితే ఒక్కటి కూడా టాప్ లిస్టులో రాకపోవడంతో ఎలాగైనా మళ్ళీ ఇంపాక్ట్ చూపాలి అని డిసైడ్ అయిన జెమినీ టీవీ రీసెంట్ గా ఓ భారీ షోని ప్లాన్ చేస్తుందట.
అది మరేదో కాదు మీలో ఎవరు కోటీశ్వరుడు అని గట్టిగా టాక్ వినిపిస్తుంది, ఈ షో తాలూకు హక్కులు స్టార్ మా దగ్గర ఉన్నా కానీ రీసెంట్ గా ఆ రైట్స్ ఎక్స్ పైర్ అవ్వగా భారీ రేటు తో హక్కులను జెమినీ టీవీ సొంతం చేసుకుందని టాక్ ఉంది, ఇప్పుడు అందులో కొన్ని మార్పులు చేర్పులు చేసి టాప్ స్టార్ తో యాంకరింగ్ చేయిస్తే మంచి రీచ్ వస్తుందని ప్లాన్ చేస్తున్నారట…
అందులో భాగంగా యంగ్ టైగర్ ఎన్టీఆర్ తో చర్చలు జరుపుతున్నారని, ఎన్టీఆర్ ఆల్ మోస్ట్ ఒప్పుకున్నట్లే అని కూడా అంటున్నారు ఇండస్ట్రీలో… నాగార్జున హోస్ట్ చేస్తున్న టైం లో స్పెషల్ గెస్ట్ గా వెళ్ళిన ఎన్టీఆర్ ఈ షో అంటే ఇష్టం అని చెప్పగా ఇప్పుడు ఆ షోని హోస్ట్ చేసే భాద్యత ని తీసుకున్నాడని టాక్ గట్టిగా వినిపిస్తుంది, మరి ఇది ఎంతవరకు నిజం అవుతుంది అన్నది త్వరలోనే తేలనుంది.
