బాక్స్ ఆఫీస్ దగ్గర మెగాస్టార్ రాంపేజ్ కి సమయం దగ్గర పడింది, 2019 మోస్ట్ వాంటెడ్ మూవీస్ లో ఒకటైన సైరా నరసింహా రెడ్డి బాక్స్ ఆఫీస్ దగ్గర భారీ ఎత్తున మరికొన్ని గంటల్లో రిలీజ్ అవుతుండగా సినిమా అడ్వాన్స్ బుకింగ్స్ 4, 5 రోజుల ముందే మొదలు అయింది. కానీ అది సింగిల్ స్క్రీన్స్ మరియు కొన్ని క్లాస్ సెంటర్స్ కి మాత్రమె పరిమితం అవ్వగా మల్టీ ప్లేక్సులలో బుకింగ్స్ చాలా ఆలస్యంగా ఓపెన్ అయ్యాయి.
అది కూడా రేపు రిలీజ్ అంటే ఈ రోజు ఉదయం నుండి ఒక్కొటిగా ఓపెన్ అవుతూ వస్తున్నాయి. దాంతో ఇప్పుడు ఆ ఇంపాక్ట్ కలెక్షన్స్ పై పడే అవకాశం ఎక్కువగా ఉంది, కానీ ఓపెన్ చేసిన వెంటనే బుకింగ్స్ బెటర్ గా కొనసాగుతున్నాయి కాబట్టి రేపటికి అంతా సెట్ అయ్యే చాన్స్ ఉంది.
ఇక టోటల్ బుకింగ్స్ ఇప్పటి వరకు ఆన్ లైన్ లో జరిగినవి చూస్తె ఇప్పటి వరకు 60% నుండి 65% బుకింగ్స్ ని రెండు తెలుగు రాష్ట్రాలలో సొంతం చేసుకుంది సినిమా… ఇక రేపు మొదటి షో వరకు ఈ బుకింగ్స్ 80% నుండి 85% వరకు వెళ్ళే అవకాశం ఉంది.
టాక్ బాగుంటే రోజు ముగిసే సరికి 90% నుండి 95% తో ముగించే అవకాశం ఉందని చెప్పాలి. అవన్నీ లేక్కల్లోకి తీసుకుంటే తొలిరోజు 30 కోట్ల రేంజ్ షేర్ పక్కా అని చెప్పాలి. ఇక సినిమా హైర్స్ కూడా ఈ రోజు చాలా వరకు కన్ఫాం అయ్యాయి. దాంతో 40 కోట్ల కి చేరువ అయ్యే అవుట్ సైడ్ చాన్స్ కూడా ఉంది.
ఇక హిందీ వర్షన్ కి గట్టి ఎదురుదెబ్బ తగిలింది, దానికి కారణం లేట్ బుకింగ్స్ అండ్ వార్ మరియు జోకర్ మూవీస్. వాటి ఎఫెక్ట్ పక్కకు పెడితే ఈ రోజు బుకింగ్స్ ఇప్పటికీ చాలా చోట్లా ఓపెన్ అవ్వాల్సి ఉంది, దాంతో సినిమా ఇప్పుడు మౌత్ టాక్ పైనే డిపెండ్ అయ్యి ఉంది అని చెప్పాలి.
అక్కడ సినిమా 4 నుండి 5 కోట్ల నెట్ కలెక్షన్స్ ని సొంతం చేసుకునే అవకాశం ఉందని చెప్పాలి. ఇక కర్ణాటక లో సినిమా 6 నుండి 7 కోట్ల రేంజ్ లో షేర్ ని మొదటి రోజు అందుకునే అవకాశం ఉంది, ఇక ఇండియా లో ఇతర చోట్ల మొత్తం మీద సినిమా 2 నుండి 3 కోట్ల దాకా షేర్ వసూల్ చేసే అవకాశం ఉంది.
దాంతో మొత్తం మీద ఇండియా లో మొదటి రోజు అన్నీ అనుకున్నట్లు జరిగితే 50 కోట్ల రేంజ్ షేర్ అందుకోవచ్చు. ఓవర్సీస్ లో అనుకున్న రేంజ్ లో కలెక్షన్స్ వస్తే వరల్డ్ వైడ్ 60 కోట్ల రేంజ్ లో వసూళ్ళ ని సినిమా మొదటి రోజు వసూల్ చేసే అవకాశం ఉందని చెప్పాలి.
ఇక ఆఫ్ లైన్ టికెట్ సేల్స్ బాగుండి… టాక్ కూడా సూపర్ పాజిటివ్ గా ఉంటె ఈ లెక్క మరింత పెరిగే అవకాశం ఉంది. మొత్తం మీద మెగాస్టార్ బాక్స్ ఆఫీస్ దగ్గర సాలిడ్ బ్యాటింగ్ చేయాలి అని అందరు కోరుకుంటున్నారు. చూద్దాం మెగాస్టార్ ఏ రేంజ్ లో ఊచకోత కోస్తారో…
