కొన్ని సినిమాలు బాక్స్ ఆఫీస్ ను ఏలుతాయి అని రిలీజ్ కి ముందే అంచనా వేయవచ్చు, కొన్ని మాత్రం రిలీజ్ అయిన తర్వాత టాక్ ని బట్టి బాగా పెర్ఫార్మ్ చేస్తాయి, మరి కొన్ని సినిమాలు టాక్ బాగా లేకపోయినా కలెక్షన్స్ వస్తాయి, అదే విధంగా కొన్ని సినిమాలకు టాక్ బాగున్నా కలెక్షన్స్ రావు. ఇలా ఏ సినిమా ఎప్పుడు ఆడుతుందో ఎవ్వరికీ తెలియదు. రీసెంట్ గా బాలీవుడ్ లో వచ్చిన మిషన్ మంగళ్ సినిమా…
రిలీజ్ అయిన తర్వాత బాగుందని కొందరు, స్లో గా ఉందని కొందరు మెయిన్ హీరో అక్షయ్ కి సినిమాలో అంత ప్రాముఖ్యత లేదని కొందరు కొన్ని రకాలుగా తమ అభిప్రాయాన్ని తెలియజేశారు. అన్నింటిలోకి సినిమా కొద్దిగా స్లో గా ఉందన్న టాక్ ఎక్కువగా స్ప్రెడ్ అయింది.
కానీ ఆ టాక్ కూడా సినిమా కలెక్షన్స్ పై ఇంపాక్ట్ చూపలేక పోయింది. ఇండిపెండెంట్స్ వీకెండ్ లో రిలీజ్ అయిన ఈ సినిమా ఆ వీకెండ్ తర్వాత స్లో డౌన్ అవుతుంది అని అంతా అనుకున్నా బాక్స్ ఆఫీస్ దగ్గర అందరికీ షాక్ ఇస్తూ లాంగ్ రన్ ని కొనసాగిస్తూ 29 వ రోజు బాక్స్ అఫీస్ దగ్గర ఈ సినిమా..
ఇండియా లో 200 కోట్ల నెట్ కలెక్షన్స్ మార్క్ ని అందుకుని సత్తా చాటుకుంది, దాంతో సినిమా ఈ రేంజ్ లో లాంగ్ రన్ ఉంటుందని ఎవ్వరం అనుకోలేదని సినిమాను విమర్శించిన వాళ్ళు కూడా సినిమా ని ఇప్పుడు మెచ్చుకుంటున్నారు. ఇక్కడ మరో విశేషం ఏంటి అంటే…
ఈ సినిమా తో అక్షయ్ కుమార్ కెరీర్ లో మొట్టమొదటి 200 కోట్ల సినిమాను తన ఖాతాలో వేసుకున్నాడు, ఇది వరకు సోలో హీరోగా కెరీర్ బెస్ట్ కేసరి 153 కోట్లు వసూల్ చేయగా విలన్ గా చేసిన రోబో 2.0 189 కోట్లు వసూల్ చేసింది. ఇప్పుడు అన్ని కెరీర్ బెస్ట్ రికార్డులను చెరిపేసి ఈ సినిమా అక్షయ్ కుమార్ కెరీర్ నంబర్ 1 గా నిలిచింది.
