ఈ డైరెక్టర్ షార్ట్ ఫిలిమ్స్ తో ఫేమస్ అయ్యి, బాక్స్ ఆఫీస్ దగ్గర డైరెక్ట్ చేసిన మొదటి సినిమాతో నే సూపర్ హిట్ ని సొంతం చేసుకుని రెండో సినిమాకే ఆల్ ఇండియా మోస్ట్ వాంటెడ్ హీరోతో సినిమా చేసే ఛాన్స్ ను సొంతం చేసుకోగా ఆ సినిమా కోసం ఏకంగా 350 కోట్ల భారీ ఖర్చుతో ఓ భారీ యాక్షన్ మూవీ ని తెరకెక్కించారు, కానీ తర్వాత రిలీజ్ అయ్యాక ఆ సినిమా బాక్స్ ఆఫీస్ దగ్గర అంచనాలను అందుకోలేక పోయింది.
ఇప్పటికే అర్ధం అయ్యి ఉండాలే ఆ సినిమా ఏంటని…. అదే ప్రభాస్ సాహో సినిమా… ఆ డైరెక్టరే సుజిత్… రెండో సినిమాకే పాన్ ఇండియా స్టార్ ప్రభాస్ తో మూవీ చేసే ఛాన్స్ ను సొంతం చేసుకున్న సుజిత్ పూర్తిగా ఆ అవకాశాన్ని సద్వినియోగం చేసుకోలేక పోయాడు.
కానీ ప్రభాస్ బాక్స్ ఆఫీస్ స్టామినా తో ఆ సినిమా డిసాస్టర్ టాక్ తో కూడా కొన్ని చోట్ల ఊహకందని కలెక్షన్స్ ని సొంతం చేసుకుంది. ఇక ఆ సినిమా వచ్చి ఆల్ మోస్ట్ ఏడాదిన్నర అవుతున్నా ఇప్పటికీ సుజిత్ తన అప్ కమింగ్ మూవీ ని కన్ఫాం చేయలేదు.
తెలుగు లో స్టార్స్ అందరూ ఫుల్ బిజీగా ఉండటంతో కొన్ని ప్రయత్నాలు చేసినా సెట్ కాకపోవడంతో మెగాస్టార్ తో లూసిఫర్ చేయాలనీ అనుకున్నా కథ సెట్ కాక తప్పుకుని బాలీవుడ్ లో ఛాన్స్ కోసం ట్రై చేశాడు సుజిత్, కానీ అక్కడ కూడా పెద్దగా వర్కౌట్ కాలేదో ఏమో ఇప్పుడు ఎవరితో సినిమా చేస్తాడా అని అందరూ ఎదురు చూస్తూ ఉండగా టాలీవుడ్ హీరోలు కాదని పక్క రాష్ట్రం..
కన్నడలో పేరున్న స్టార్ హీరోలతో సినిమా ప్లాన్ చేస్తున్నాడని ఇప్పుడు టాక్ గట్టిగా వినిపిస్తుంది, కన్నడ స్టార్ హీరో కిచ్చ సుధీప్ కి ఒక కథ చెప్పగా ఇప్పుడు టాక్స్ నడుస్తున్నాయని, ఓకే అయితే పాన్ ఇండియా లెవల్ లో ఆ సినిమా ఉండే అవకాశం ఉందని అంటున్నారు. మరి ఈ వార్త అయినా నిజం అవుతుందో లేదో చూడాలి ఇక..
