ప్రస్తుతం బయట జరుగుతున్న పరిస్థితులు ఎలాంటివో అందరికీ తెలిసిందే. లాక్ డౌన్ మొదలు అయ్యి ఇప్పటికే 33 రోజులు పూర్తీ అవ్వగా థియేటర్స్ మూతబడి 45 రోజులు కావొస్తుంది, లాక్ డౌన్ ఎప్పుడు పూర్తీ అవుతుందో థియేటర్స్ ఎప్పుడు తెరుస్తారో, జనాల రోజు వారి రొటీన్ లైఫ్ ఎప్పుడు నార్మల్ స్టేజ్ కి వస్తుందో అన్నది ఇప్పటికిప్పుడు ఎవ్వరూ చెప్పలేరు. మరెన్ని రోజులు ఇది కంటిన్యు అవుతుందో కూడా ఎవ్వరి ఊహలకు కూడా అందడం లేదని చెప్పాలి.
ఇలాంటి టైం లో సినిమాల పరంగా చూసుకుంటే రిలీజ్ కి సిద్ధంగా ఉన్న సినిమాలు ఒకటి తర్వాత ఒకటి వరుసగా పోస్ట్ పోన్ అవ్వగా కొన్ని సినిమాలు మాత్రం ఏకంగా థియేట్రికల్ రిలీజ్ లేకుండా డైరెక్ట్ గా స్ట్రీమింగ్ యాప్స్ లో రిలీజ్ అవ్వడానికి సిద్ధం అవుతున్నాయి.
కోలివుడ్ లో జ్యోతిక నటించిన కొత్త సినిమా ఇక్కడ తెలుగు లో అమృతరామం అనే చిన్న సినిమా త్వరలోనే థియేటర్స్ లో రిలీజ్ కన్నా ముందే OTT యాప్స్ లో రిలీజ్ అవ్వబోతుండగా ఇప్పుడు ఓ స్టార్ హీరో సినిమా కూడా ఇదే పద్దతి పాటించబోతుందని టాక్ బాలీవుడ్ లో ఎక్కువగా వినిపిస్తుంది.
బాలీవుడ్ లో ప్రస్తుతం వరుస హిట్స్ తో ఫుల్ జోష్ మీదున్న అక్షయ్ కుమార్ నటించిన కొత్త సినిమా సూర్యవంశీ రిలీజ్ ఆగిపోగా…లాక్ డౌన్ తర్వాత థియేటర్స్ లో రిలీజ్ కానుంది. ఈ సినిమా తర్వాత రిలీజ్ అవ్వాల్సిన లక్ష్మీ బాంబ్(కాంచన రీమేక్) కి పెద్ద స్ట్రీమింగ్ యాప్స్ నుండి మైండ్ బ్లోయింగ్ ఆఫర్స్ వస్తున్నాయట.
ఇండియా లో లాక్ డౌన్ పూర్తీ అయినా సాధారణ స్థాయికి రావడానికి ఎంత టైం పడుతుందో తెలియదు కాబట్టి ఈ సినిమా కి వస్తున్న ఆఫర్స్ చూసి నిర్మాతలు OTT లో రిలీజ్ చేయాలని భావిస్తున్నారట. ఇది ఎంతవరకు నిజం అన్నది ఇంకా తెలియదు కానీ ఒకవేళ నిజం అయితే చాలా సినిమాలు ఇప్పుడు ఇదే రూట్ ని ఫాలో అయ్యే అవకాశం కచ్చితంగా ఉందని చెప్పొచ్చు.
