యూత్ లో మంచి క్రేజ్ ని సొంతం చేసుకున్న హీరోల్లో రామ్ పోతినేని కూడా ఒకరు, బాక్స్ ఆఫీస్ దగ్గర తనకంటూ మంచి క్రేజ్ ని ఎప్పుడో సొంతం చేసుకున్నా నికార్సయిన మాస్ హిట్ కోసం ఎదురు చూస్తున్న రామ్ కి 2019 లో వచ్చిన ఇస్మార్ట్ శంకర్ అనుకున్న రేంజ్ మాస్ హిట్ ని దక్కేలా చేసింది. ఆ సినిమా విజయం తర్వాత రామ్ క్రేజ్ మరింతగా పెరిగి పోగా… ఇప్పుడు రెడ్ సినిమాతో బాక్స్ ఆఫీస్ దగ్గర సందడి చేయబోతున్న రామ్ కి…
పాపులారిటీ పరంగా టాలీవుడ్ లోనే కాకుండా నార్త్ లో కూడా హిందీ డబ్బింగ్ మూవీస్ తో రీచ్ మరో లెవల్ లో ఉన్న విషయం తెలిసిందే, అక్కడ అత్యధిక 100 మిలియన్స్ మార్క్ అందుకున్న హీరోగా 1 మిలియన్ లైక్స్ మార్క్ ని అందుకున్న హీరోగా రామ్ రికార్డ్ సృష్టించాడు.
కాగా నార్త్ నుండి ఆ క్రేజ్ దేశం దాటి పక్క దేశం నేపాల్ వరకు వెళ్ళింది, అక్కడ కూడా మంచి పాపులారిటీని సొంతం చేసుకుంటున్న రామ్ రీసెంట్ గా నేపాల్ లోనే బిగ్గెస్ట్ విర్చువల్ యూత్ ఈవెంట్ అయిన హాల్ట్ ప్రైజ్ కి గాను చీఫ్ గెస్ట్ గా మారాడు… ప్రస్తుతం ఉన్న పరిస్థితుల నేపధ్యంలో…
అక్కడకు డైరెక్ట్ గా వెళ్ళకుండా ఆన్ లైన్ లోనే జరిగిన ఈ ఈవెంట్ కి చీఫ్ గెస్ట్ గా మారి సందడి చేశాడు రామ్. హాల్ట్ ప్రైజ్ నేపాల్ లోనే మోస్ట్ పాపులర్ ప్రైజ్ అంటున్నారు. అలాంటి ఈవెంట్ కి ఇప్పుడు రామ్ చీఫ్ గెస్ట్ లా ఉండటం అన్నది ఫ్యాన్స్ ఆనందానికి అవధులు లేకుండా చేస్తుంది, డైరెక్ట్ తెలుగు మూవీస్ తోనే తన క్రేజ్ ని నార్త్ నుండి ఇప్పుడు నేపాల్ కి కూడా పాకేలా చేసుకున్న రామ్…
ఒక నికార్సయిన పాన్ ఇండియా మూవీ చేస్తే తన మార్కెట్ ని మరింతగా పెంచుకునే అవకాశం ఎంతైనా ఉందని చెప్పొచ్చు. ఇక రామ్ నటిస్తున్న లేటెస్ట్ మూవీ రెడ్ అన్ని పనులను పూర్తీ చేసుకుని త్వరలో రిలీజ్ కానుంది. సంక్రాంతి బరిలో నిలుస్తుంది అంటున్నారు కానీ కొత్తగా ఏమి అప్ డేట్స్ లేకపోవడం తో సమ్మర్ కి వెళ్ళే అవకాశం కూడా ఉందని అంటున్నారు. మరి ఎం జరుగుతుందో చూడాలి.
