ఇటీవల కాలంలో ఓటీటీ లో కొన్ని సినిమాలు ప్రేక్షకులను ఎంతో విశేషంగా ఆకట్టుకుంటున్నాయి. సినిమాలను చూసే విషయంలో ప్రేక్షకుల అభిరుచి మారిన నేపథ్యంలో చిన్న సినిమాల కంటెంట్ బాగుంటే ప్రేక్షకుల ఆదరణ అందుకుంటున్నాయి. ఆ విధంగా ఇటీవల థియేటర్ లలో సందడి చేసిన కిరోసిన్ సినిమా ఆహా లో విడుదల అయ్యి విశేషంగా ఆకట్టుకుంటోంది.
సస్పెన్స్ థ్రిల్లింగ్ అంశాలతో కూడిన ఈ సినిమా ఆద్యంతం అందరిని ఆసక్తి పరుస్తుంది. కథ కథనాల విషయంలో ఎంతో జాగ్రత్త వహించి ఈ సినిమా చేయగా అవి ప్రేక్షకులను ఎంతో ఉత్కంఠ పరిచాయి. అంతే కాదు స్క్రీన్ ప్లే బాగుందన్న ప్రశంశలు చిత్ర బృందం అందుకుంటుంది. ఫామిలీ ఆడియెన్స్ ని సైతం ఈ సినిమా ఎంతో ఆకట్టుకోవడం విశేషం.
ధృవ హీరో గా నటించి దర్శకత్వం వహించిన ఈ సినిమా ను బిగ్ హిట్ ప్రొడక్షన్స్ బ్యానర్ పై దీప్తి కొండవీటి, పృద్వీ యాదవ్ నిర్మించారు. నిర్మాణ విలువలు ఎంతో గ్రాండ్ గా ఉన్నాయి. విడుదలకు ముందు వచ్చిన టీజర్, ట్రైలర్ లతోనే ఈ సినిమా ప్రేక్షకులను ఆకట్టుకుంది. వెండితెరపై మంచి గుర్తింపు అందుకున్న ఈ సినిమా ఓటీటీ లో కూడా అదే విధమైన గుర్తింపు అందుకోవడం విశేషం.
