పాన్ ఇండియా సెన్సేషన్ ప్రభాస్ హీరోగా తెరకెక్కిన లేటెస్ట్ మూవీ ఆది పురుష్ సినిమా ఆడియన్స్ ముందుకు జూన్ 16న వరల్డ్ వైడ్ గా భారీ ఎత్తున రిలీజ్ అవ్వడానికి సిద్ధం అవుతూ ఉండగా సినిమా అఫీషియల్ ట్రైలర్ ను రీసెంట్ గా రిలీజ్ చేశారు. టీసర్ రిలీజ్ తర్వాత అనేక విమర్శలను ఫేస్ చేసిన ఈ సినిమా ట్రైలర్ రిలీజ్ ఎలాంటి రెస్పాన్స్ ను సొంతం చేసుకుంది అన్నది ఆసక్తిగా మారగా…
టీసర్ తో పోల్చితే ట్రైలర్ క్వాలిటీ కానీ సౌండింగ్ కానీ విజువల్స్ కానీ గ్రాండియర్ కానీ చాలా చాలా బెటర్ గా అనిపించాయి అని చెప్పాలి. రాముడిలా ప్రభాస్ లుక్స్ కొన్ని సీన్స్ లో అద్బుతంగా ఉండగా కొన్ని సీన్స్ లో మాత్రం ఇంకాస్త లుక్ బెటర్ గా ఉండి ఉంటే బాగుండేది అనిపించగా తన స్క్రీన్ ప్రజెన్స్ చాలా సీన్స్ లో హైలెట్ గా నిలిచింది.
వానర సేన, హనుమాన్ విజువల్స్ ఎక్స్ లెంట్ గా ఉండగా టీసర్ లో నెగటివ్ అయిన రావణాసురుడి లుక్ ని ట్రైలర్ లో ఏమాత్రం చూపించకుండా జాగ్రత్త పడ్డారు. ఇక ట్రైలర్ ఆసాంతం కొనసాగిన జై శ్రీరామ్ సాంగ్ గూస్ బంప్స్ ని తెప్పించింది అని చెప్పాలి…అలాగే ట్రైలర్ ఎండ్ లో వచ్చే షాట్ కూడా ఎక్స్ లెంట్ గా ఉంది. టీసర్ రిలీజ్ తర్వాత సినిమా పై డౌట్ కొట్టినా కానీ…
ఇప్పుడు ట్రైలర్ చూసిన తర్వాత నార్త్ సైడ్ అద్బుతాలు సృష్టించే అవకాశం ఉందనిపిస్తుంది అని చెప్పాలి. ఇక తెలుగు లో ఎలాగూ దుమ్ము లేపే ఓపెనింగ్స్ రావడం ఖాయం, సౌత్ లో మిగిలిన చోట్ల కూడా సినిమా జోరు చూపిస్తే బాక్స్ ఆఫీస్ దగ్గర లెక్క 1000 కోట్ల నుండి మొదలు అయ్యే అవకాశం ఉందని చెప్పాలి. ఇక ట్రైలర్ కి 24 గంటల్లో ఎలాంటి రెస్పాన్స్ సొంతం అవుతుందో చూడాలి.
