టాలీవుడ్ లో కామెడీ సినిమాలతో బిగ్గెస్ట్ హిట్స్ కొట్టిన డైరెక్టర్స్ లో శ్రీనువైట్ల ముందు నిలిచే డైరెక్టర్ అని చెప్పాలి. చిన్న సినిమాలతో మొదలు పెట్టి, కామెడీ ఎంటర్ టైనర్స్ తో బ్లాక్ బస్టర్ విజయాలను అందుకుని, తర్వాత స్టార్ హీరోలతో సినిమాలతో స్టార్ డైరెక్టర్ గా ఎదిగిన శ్రీనువైట్ల టీం వర్క్ ని టోటల్ తన స్వంత టాలెంట్ అని భావించి కెరీర్ లో తప్పటడుగులు వేశాడు. టీం తో విడిపోయి…
తర్వాత తన స్టార్ డం ని కోల్పోయి ఇప్పుడు సినిమా అవకాశాలు లేని పరిస్థితి ని తెచ్చుకున్నాడు. అదే సమయంలో తన టీం మెంబర్స్ కూడా టోటల్ క్రెడిట్ తమదే అని భావించి విడిపోయినా మొదట్లో ఒకటి రెండు సక్సెస్ లు చూసినా తర్వాత మాత్రం…
ఫ్లాఫ్స్ ఒకటి తర్వాత ఒకటి రావడం తో వాళ్ళు కూడా అవకాశాలు లేని పరిస్థితి ని ఇప్పుడు తెచ్చుకున్నారు. ఇలాంటి టైం లో ఎవరి తప్పులను వాళ్ళు తెలుసుకుని తిరిగి ఏకం అవ్వాలని డిసైడ్ అయ్యారు. వీళ్ళు విడిపోయాక శ్రీనువైట్ల మిస్టర్, అమర్ అక్బర్ ఆంథోని చేయగా అన్నీ డిసాస్టర్లు అయ్యాయి.
దాంతో రెండు డిసాస్టర్ సినిమాల తర్వాత ఇప్పుడు తిరిగి తన టీం తో తన కెరీర్ లో బిగ్గెస్ట్ టర్నింగ్ పాయింట్ లో ఒకటైన ఢీ సినిమా కి సీక్వెల్ ని మొదలు పెట్టాలని ఫిక్స్ అయ్యారు. ఆల్ మోస్ట్ స్క్రిప్ట్ వర్క్ కంప్లీట్ అయినట్లే నని త్వరలోనే ఫైనల్ వర్క్ కూడా కంప్లీట్ చేసి సినిమాను మొదలు పెట్టాలని చూస్తున్నారట.
ఈ సీక్వెల్ లో మంచు విష్ణు మళ్ళీ తన రోల్ ని తానె వేస్తుండగా సినిమాను కూడా ప్రొడ్యూస్ చేస్తున్నట్లు సమాచారం. టీం మొత్తం ఎట్టకేలకు తిరిగి ఏకం అవుతున్నారు కాబట్టి బాక్స్ ఆఫీస్ దగ్గర మునుపటిలా వరుస పెట్టి కామెడీ ఎంటర్ టైనర్స్ తో దుమ్ము లేపడం ఖాయమని అంతా ఆశిస్తున్నారు.
