నట సింహం నందమూరి బాలకృష్ణ బోయపాటి శ్రీను ల కాంబినేషన్ లో తెరకెక్కుతున్న సెన్సేషనల్ హాట్రిక్ మూవీ అఖండ… బాక్స్ ఆఫీస్ దగ్గర ఇటు బాలయ్య కానీ అటు బోయపాటి కానీ రీసెంట్ టైం లో హిట్ ని అందుకోలేదు అన్న కసితో కలిసి చేస్తున్న ఈ సెన్సేషనల్ మూవీ అఫీషియల్ ట్రైలర్ రీసెంట్ గా రిలీజ్ అయ్యింది, ట్రైలర్ చూస్తుంటే వీళ్ళు హాట్రిక్ కొట్టి దుమ్ము లేపడం ఖాయం అనిపిస్తుంది.
ఫ్యాన్స్ కి ట్రైలర్ మొత్తం పూనకాలు తెప్పించే రేంజ్ లో ఉన్నప్పటికీ రెగ్యులర్ ఆడియన్స్ లా చూస్తె సింహా, లెజెండ్ లను పోలే ఈ సినిమా కూడా ఉండబోతుందని ట్రైలర్ చెబుతుంది, ఆ సినిమాలలో కూడా 2 పాత్రలు కాగా ఇందులో కూడా 2 పాత్రలు. ఒకటి విలేజ్ లో ఉన్న హీరో రోల్ కాగా..
మరోటి సమాజంలో చెడుని ఎదిరించే అఘోరా రోల్, విలేజ్ రోల్ అండ్ అఘోరా రెండు లుక్స్ కూడా ఈ సారి బాలయ్య కి అద్బుతంగా సెట్ అవ్వగా అఘోరా రోల్ అయితే నెక్స్ట్ లెవల్ లో సెట్ అయ్యింది అని చెప్పాలి. ఆ రోల్ ఇంపాక్ట్ చాలా స్ట్రాంగ్ గా ఉండేలా ఉండగా…
ఇక ట్రైలర్ లో డైలాగ్స్ కూడా చాలా బాగా ఆకట్టుకున్నాయి. ఒక మాట నువ్వు అంటే అది శబ్దం అదే మాట నేను అంటే అది శాసనం.. దైవ శాసనం..విధికి..విధాతకి..విశ్వానికి సవాళ్లు విసరకూడదు, ఒక సారి డిసైడ్ అయి బరిలోకి దిగితే బ్రేకులు లేని బుల్డోజర్ ని… తొక్కి పారదొబ్బుతా, మీకు సమస్య వస్తే దండం పెడుతారు మేము ఆ సమస్యకే పిండం పెడుతాం అనే డైలాగ్స్ అన్నీ హైలెట్ అయ్యాయి.
ఇక తమన్ బ్యాగ్రౌండ్ స్కోర్ సాలిడ్ గా ఉండగా ట్రైలర్ చూస్తుంటే సినిమాలో చాలా మందే విలన్స్ ఉన్నారనిపిస్తుంది, మొత్తం మీద ట్రైలర్ సినిమా పై ఉన్న అంచనాలను బాగానే పెంచాయి అని చెప్పాలి, ఏమాత్రం పాజిటివ్ టాక్ వచ్చిన బాలయ్య కెరీర్ బెస్ట్ నంబర్స్ నమోదు కావొచ్చు. ఓవరాల్ గా బాలయ్య అఖండ ట్రైలర్ తో అల్లకల్లోలం చేశాడు, ఇక 24 గంటల్లో ఎన్ని మిలియన్స్ వ్యూస్ అండ్ లైక్స్ వస్తాయో చూడాలి.
