టాలీవుడ్ సూపర్ స్టార్ మహేష్ బాబు(Mahesh Babu) త్రివిక్రమ్ శ్రీనివాస్ ల క్రేజీ కాంబినేషన్ లో ఆడియన్స్ ముందుకు వచ్చిన లేటెస్ట్ మూవీ గుంటూరు కారం(Guntur Kaaram) వరల్డ్ వైడ్ గా గ్రాండ్ గా రిలీజ్ ను సొంతం చేసుకుంది. ముందుగా ప్రీమియర్ షోలను పూర్తి చేసుకున్న ఈ సినిమాకి ఫస్ట్ టాక్ ఎలా ఉంది అన్నది ఆసక్తిగా మారగా…
ప్రీమియర్ షోల నుండి సినిమా టాక్ చాలా వరకు ప్రామిసింగ్ గా ఉందని చెప్పాలి ఇప్పుడు, స్టోరీ పాయింట్ ని పూర్తిగా రివీల్ చేయలేదు కానీ చిన్నప్పుడే తల్లికి, తల్లి ఫ్యామిలీకి కొన్ని కారణాల వలన హీరో దూరం అవ్వాల్సి వస్తుంది, రఫ్ అండ్ టగ్ గా పెరిగి పెద్దయిన హీరో లైఫ్ లో ఎలా ఎదిగాడు, ఆ క్రమంలో తిరిగి తన తల్లి ఫ్యామిలీని…
కలిసాక ఏం జరిగింది అన్నది ఓవరాల్ కథగా చెబుతున్నారు, కథ మొత్తం మీద చాలా సింపుల్ గానే ఉన్నా కూడా త్రివిక్రమ్ మార్క్ సీన్స్ తో మహేష్ మాస్ ఎనర్జీతో ఫస్టాఫ్ అంతా ఫుల్ టైం పాస్ గా సాగుతుందని, కథ రొటీన్ గానే ఉన్నా కానీ ఎంటర్ టైన్ మెంట్ అండ్ మహేష్ మ్యానరిజమ్స్ బాగా ఆకట్టుకున్నాయని అంటున్నారు.
Guntur Kaaram Premiere Show Review
ఇక ఇంటర్వెల్ ఎపిసోడ్ తో సెకెండ్ ఆఫ్ పై అంచనాలు పెరగగా సెకెండ్ ఆఫ్ లో మెలోడ్రామా కొంచం రొటీన్ గానే అనిపించినా కూడా అక్కడ కూడా చాలా చోట్ల త్రివిక్రమ్ అండ్ మహేష్ మ్యాజిక్ పని చేసిందని అంటున్నారు. మొత్తం మీద ఫస్టాఫ్ ఎబో యావరేజ్ లెవల్ లో సెకెండ్ ఆఫ్ కూడా అదే రేంజ్ లో అనిపించింది అంటున్నారు.
సినిమాకి మహేష్ తన ఎనర్జీ అండ్ పెర్ఫార్మెన్స్ తో అందరినీ ఫుల్లుగా డామినేట్ చేశాడు అంటున్నారు. ఓవరాల్ గా కథ రొటీన్ గానే అనిపించినా కూడా చాలా వరకు బోర్ ఫీల్ అవ్వకుండా సీన్ బై సీన్ ఆకట్టుకోవడం, ఫ్యాన్స్ కోరుకునే మాస్ మూమెంట్స్ అండ్ మహేష్ కుర్చీ మడతపెట్టి సాంగ్ లో వేసిన స్టెప్స్ ఫుల్ ఫీస్ట్ అని అంటున్నారు….
మొత్తం మీద ప్రీమియ్ర్స్ కంప్లీట్ అయ్యే టైంకి సినిమాకి ఆడియన్స్ నుండి ఎబో యావరేజ్ లెవల్ లో రిపోర్ట్స్ అయితే వినిపిస్తున్నాయి. మహేష్ త్రివిక్రమ్ మూవీస్ కి ఓవర్సీస్ రిపోర్ట్ లు ఇదే రేంజ్ లో ఉంటూ వస్తూ ఉండగా ఈ సారి కూడా రిపోర్ట్ లు సాలిడ్ గానే స్టార్ట్ అయ్యాయి అని చెప్పాలి.
ఇక రెగ్యులర్ షోలకి ఆడియన్స్ నుండి ఇదే రేంజ్ లో రెస్పాన్స్ వస్తే ఇక సూపర్ స్టార్ మహేష్ బాబు తన మాస్ బ్యాటింగ్ తో బాక్స్ ఆఫీస్ దగ్గర రచ్చ చేసే అవకాశం ఎంతైనా ఉందని చెప్పాలి. మరి గుంటూరు కారం మూవీ బాక్స్ ఆఫీస్ దగ్గర ఇక్కడ ఎలాంటి రెస్పాన్స్ ను సొంతం చేసుకుని దుమ్ము లేపుతుందో చూడాలి.
