శంకర్ డైరెక్షన్ లో వచ్చిన సినిమాలో అత్యంత భారీ హైప్ నడుమ రిలీజ్ అయిన సినిమాల్లో ఐ మనోహరుడు సినిమా కూడా ఒకటి. ఐదేళ్ళ క్రితం వచ్చిన ఈ సినిమా సంక్రాంతి బరిలో భారీ క్రేజ్ నడుమ రిలీజ్ అవ్వగా ట్రైలర్ చూసి ఓ రేంజ్ లో అంచనాలు పెట్టుకున్న వాళ్లకి షాక్ ఇచ్చే లెవల్ లో నెగటివ్ రివ్యూ లను సొంతం చేసుకున్నా కానీ విక్రం పడ్డ కష్టానికి ఒక్క సారి చూడొచ్చు…
అనే సింపతీతో ఓవరాల్ గా చాలా వరకు బిజినెస్ ని రికవరీ చేసింది.. కానీ తెలుగు టెలివిజన్ లో సినిమా ఇప్పటి వరకు టెలికాస్ట్ అవ్వలేదు. రిలీజ్ అయ్యి 5 ఏళ్ల తర్వాత ఇప్పుడు స్టార్ మా ఛానెల్ లో సినిమా ను ఈ ఆదివారం సాయంత్రం టెలికాస్ట్ చేయబోతున్నట్లు సమాచారం.
5 ఏళ్ల క్రితం సినిమా అమ్మే టైం లో తెలుగు టాప్ ఛానెల్స్ అన్నీ కూడా 7 కోట్లకు పైగానే రేటు ఆఫర్ చేయగా అప్పుడు సినిమా నిర్మాతలు 10 కోట్లకు రూపాయి తగ్గది లేదు అని చెప్పడం తో సినిమా అసలు తెలుగు లో శాటిలైట్ రైట్స్ అస్సలు అమ్ముడు పోలేదు.
ఛానెల్స్ అన్నీ వెనుకడుగు వేయగా తర్వాత సినిమా రిజల్ట్ తో అస్సలు పట్టించుకోలేదు ఎవ్వరూ… దాంతో 5 ఏళ్లుగా తెలుగు లో టెలికాస్ట్ అవ్వలేదు ఈ సినిమా. మళ్ళీ ఇప్పుడు 5 ఏళ్ల తర్వాత రీసెంట్ టైం లో పాత సినిమాలు క్రమం తప్పకుండా కొని టెలికాస్ట్ చేస్తున్న స్టార్ మా కేవలం 4.2 కోట్ల రేంజ్ రేటు మాత్రమె చెల్లించి…
సినిమా శాటిలైట్ రైట్స్ హక్కులను సొంతం చేసుకుందని ట్రేడ్ లో టాక్ ఉంది. అప్పుడు 7 కోట్ల రేంజ్ ఆఫర్స్ కి నో చెప్పి ఎవ్వరూ కొనక పోవడంతో ఇప్పుడు 4.2 కోట్ల రేటు కే అమ్ముడు పోయిన ఐ మనోహరుడు సినిమా టెలివిజన్ లో ఎలాంటి రెస్పాన్స్ ని సొంతం చేసుకుంటుందో చూడాలి. సినిమా మాస్టర్ ప్రింట్ తెలుగు లో ఇప్పటి వరకు క్వాలిటీది అందుభాటులో లేదు కాబట్టి మంచి టి.ఆర్.పి రేటింగ్స్ ని సొంతం చేసుకునే అవకాశం ఉందని చెప్పాలి…
