టాలీవుడ్ ఇండస్ట్రీలో మంచి స్టార్ బ్యాగ్రౌండ్ ఉన్నప్పటికీ కూడా అనుకున్న రేంజ్ లో సక్సెస్ లను సొంతం చేసుకోలేక పోయిన వాళ్ళలో మంచు ఫ్యామిలీ హీరోలు ముందు నిలుస్తారు. కావలిసినంత బ్యాగ్రౌండ్ ఉన్నప్పటికీ కూడా బాక్స్ ఆఫీస్ దగ్గర సక్సెస్ రేషియో మట్టుకు ఇతర హీరోలతో పోల్చితే చాలా తక్కువగా ఉండటం విచారకరం, మంచు విష్ణు కానీ మంచు మనోజ్ కానీ కొన్ని సందర్బాలలో కొన్ని సక్సెస్ లను సొంతం చేసుకున్నా కానీ ఎక్కువ శాతం…
ఫ్లాఫ్ మూవీస్ ఎఫెక్ట్ తో మార్కెట్ అంతా కోల్పోవాల్సి వచ్చింది. మంచు విష్ణు కెరీర్ మొదట్లో ఢీ తో సూపర్ హిట్ కొట్టి మళ్ళీ చాలా ఏళ్లకి దేనికైనా రెడీ, దూసుకెల్తా లాంటి సినిమాలు తప్పితే బాక్స్ ఆఫీస్ దగ్గర మరో హిట్ ని అందుకోలేదు.
మల్టీ స్టారర్ ఈడోరకం ఆడోరకం అనే మరో హిట్ ఉన్నా అది సోలో క్రెడిట్ రాదు కాబట్టి సోలో హీరోగా కెరీర్ లో అతి తక్కువ విజయాలు ఉన్న మంచు విష్ణు సక్సెస్ ఫుల్ హీరో అని మాత్రం అనిపించుకోరు, బాక్స్ ఆఫీస్ దగ్గర ఒక స్టేబుల్ మార్కెట్ ఉన్నప్పుడే సక్సెస్ ఫుల్ అని చెప్పగలరు.
కానీ రీసెంట్ గా ఆలీ హోస్ట్ చేసే ఆలీతో జాలీగా షో లో మీరు సక్సెస్ ఫుల్ అనుకుంటున్నారా అన్న ప్రశ్న కి మంచు విష్ణు… నేను సక్సెస్ ఫుల్ కాక పోయి ఉంటే మీరు ఈ షోకి నన్ను పిలిచే వాళ్ళు కాదు, మీరు పిలిచారు కాబట్టి నేను కచ్చితంగా సక్సెస్ ఫుల్ అయ్యి ఉంటాను, సో నేను సక్సెస్ ఫుల్ అంటూ కామెంట్స్ చేశాడు..
ఈ కామెంట్స్ పై సోషల్ మీడియా లో బాగానే ట్రోల్స్ పడుతున్నాయి. ప్రస్తుతం తన మార్కెట్ కొంచం స్టేబుల్ గా లేదు కానీ అప్ కమింగ్ ఇయర్స్ లో తన మార్కెట్ భారీగా పెరిగి పోవడం ఖాయం అంటూ చాలా సార్లే చెప్పుకొచ్చాడు మంచు విష్ణు, మరి అలాంటి రోజులు రావాలి అంటే బాక్స్ ఆఫీస్ దగ్గర కొన్ని సాలిడ్ హిట్స్ వరుసగా పడాలి…మరి ఫ్యూచర్ లో అలాంటి హిట్స్ మంచు విష్ణుకు పడతాయో లేదో చూడాలి.
