నాచురల్ స్టార్ నాని ఫ్యాన్స్ తో పాటు ఇతర హీరోల ఫ్యాన్స్ అందరి మనసులను కూడా గెలుచుకున్నాడు… ఈ పాండమిక్ టైం లో సినిమా ఇండస్ట్రీ ఎదురుకుంటున్న సమస్యలను టాలీవుడ్ ఇండస్ట్రీ పెద్దలు ఎవ్వరూ కూడా ఇప్పటి వరకు ఓపెన్ గా చెప్పలేక పోయారు. ఇక ఆంధ్రలో టికెట్ రేట్లు తగ్గించడం తో సమస్యలు మరింత క్లిష్టం అయిన నేపధ్యంలో ఇప్పటి వరకు కూడా ఎవ్వరూ వీటి పై స్పందించ లేక పోయారు.
ఇలాంటి తరుణం లో రీసెంట్ గా తిమ్మరుసు ప్రీ రిలీజ్ ఈవెంట్ లో నాని చేసిన కామెంట్స్ ఒక్కసారిగా హాట్ టాపిక్ గా మారాయి… “మనమందరి లైఫ్ లో సినిమా అనేది ఒక పార్ట్ అని, మనం వీకెండ్ లో ఫ్యామిలీతో సినిమాలకు వెళతామని, ఫ్రెండ్స్ తో కలిసి వెళతామని…
మందు పార్టీలు లాంటివి అయితే వాటి తర్వాత కూడా సినిమాలే మన మొదటి ఆప్షన్ అని చెబుతూ ఇలా మన లైఫ్ లో ముఖ్య పార్ట్ ని పోషించే సినిమా థియేటర్స్ ని ఇలాంటి పాండమిక్ టైం లో అన్నింటి కన్నా ముందు మూసేసి అన్ని తెరచిన చివరి టైం లో…
తెరుస్తున్నారని…. బార్లు, పబ్బులు లాంటివి మాత్రం తెరుస్తున్నారని, అక్కడ జనాలు ఒకరి ఎదురుగా ఒకరు ఉంటారని, కానీ ఇక్కడ థియేటర్స్ లో అందరూ తెర వైపే చూస్తారని, ఇక్కడ ఇంకా ప్రమాదం చాలా తక్కువ ఉంటుందని, చెబుతూ ఇదంతా నా సినిమా రిలీజ్ ఉందని చెప్పడం లేదని కానీ కొన్ని లక్షల మంది పరోక్షంగా ఆధార పడే సినిమా మీద…
ఇన్ని ఆంక్షలు ఏంటి అంటూ నాని చేసిన కామెంట్స్ ఒక్క సారిగా హైలెట్ అవ్వగా ఇండస్ట్రీ పెద్దలు ఇంకా స్పందించకపోవడం… లాంటివి అందరికీ ఆశ్యర్యపోయేలా చేస్తుంది, వకీల్ సాబ్ టైం లో తగ్గించిన టికెట్ రేట్ల వలన ఇప్పటికీ సినిమాలు రిలీజ్ లు ఆగిపోతున్నా ఇండస్ట్రీ వాళ్ళు ఎవ్వరూ నోరు మెదపడం లేదు… మరి ఇప్పుడు నాని చెప్పినట్లే ఇతర హీరోలు కూడా నోరు మెదిపితే ఆ ఒత్తిడికి కచ్చితంగా పరిస్థితులు మారే చాన్స్ ఉంటుంది.
