మాటల మాంత్రికుడు త్రివిక్రమ్ శ్రీనివాస్ ప్రస్తుతం ఫుల్ జోష్ మీదున్నాడు, అజ్ఞాతవాసి సినిమా డిసాస్టర్ అయినా కానీ వెంటనే అరవింద సమేత మరియు అల వైకుంఠ పురం లో సినిమాలతో బాక్స్ ఆఫీస్ దగ్గర సెన్సేషనల్ కంబ్యాక్ ఇచ్చాడు త్రివిక్రమ్, ముఖ్యంగా అల వైకుంఠ పురం లో సినిమా అయితే టాలీవుడ్ నాన్ బాహుబలి రికార్డులతో ఘోరేత్తించిన విషయం తెలిసిందే. ఇక ఇప్పుడు ఇండస్ట్రీ హిట్ కొట్టిన ఊపు లో ఉన్న త్రివిక్రమ్ శ్రీనివాస్…
తన తదుపరి సినిమా ను యంగ్ టైగర్ ఎన్టీఆర్ తో చేయబోతున్న విషయం తెలిసిందే, వీరి కాంబినేషన్ లో అరవింద సమేత తర్వాత ఇది రెండో సినిమా అని చెప్పాలి. రీసెంట్ గా అఫీషియల్ అనౌన్స్ మెంట్ వచ్చిన ఈ సినిమా లాక్ డౌన్ లేకుంటే…
మే నెల నుండి రెగ్యులర్ షూటింగ్ జరుపుకోవాల్సింది… కానీ ప్రస్తుతం ఉన్న లాక్ డౌన్ పరిస్థితుల వలన ఆర్ ఆర్ ఆర్ షూటింగ్ మరింత డిలే అయ్యేలా కనిపిస్తుండటం తో ఎన్టీఆర్ తో సినిమా వెంటనే మొదలు అవుతుందా కొన్ని నెలల గ్యాప్ వస్తుందా అన్న అనుమానాలు ఇండస్ట్రీ లో ఉన్నాయి.
ఆర్ ఆర్ ఆర్ ఇక సమ్మర్ కే వచ్చేలా ఉండటం తో ఎన్టీఆర్ తో చేసే సినిమా వచ్చే ఇయర్ సెకెండ్ ఆఫ్ లో రావొచ్చు. అంటే మరో ఏడాదిన్నర వరకు టైం ఉండటం తో త్రివిక్రమ్ ఇంతలో యంగ్ హీరోల్లో ఒకరితో ఓ చిన్న సినిమా తీస్తే ఎలా ఉంటుంది అన్న ఆలోచనలో ఉన్నారనే టాక్ ఇండస్ట్రీ లో చక్కర్లు కొడుతుంది.
ఇది వరకే మీడియం రేంజ్ హీరోల్లో నితిన్ తో అ.ఆ తీసిన త్రివిక్రమ్ ఇప్పుడు నాని లేదా నాగ చైతన్య లలో ఒకరితో ఓ మీడియం బడ్జెట్ మూవీ చేసే ఆలోచనలో ఉన్నారని అంటున్నారు. ఇది కనుక నిజం అయితే ఆ అవకాశం దక్కిన హీరో రేంజ్ కచ్చితంగా మరింత పెరిగే అవకాశం ఉంటుంది. మరి ఇది ఎంతవరకు నిజం అవుతుందో లేదో చూడాలి…
