బాక్స్ ఆఫీస్ దగ్గర ఒక సినిమా కి పోటిగా మరో సినిమా రిలీజ్ అవ్వొచ్చు కానీ OTT లో ఈ మధ్య రెండు వారాలకో లేక వారానికో ఒక సినిమా రిలీజ్ అవ్వడం మనం చూస్తూనే ఉన్నాం కానీ ఇప్పుడు ఇక్కడ కూడా రెండు నోటబుల్ మూవీస్ పోటి పడుతూ ఒకే రోజున రిలీజ్ కాబోతున్నాయి. ఆ రెండు సినిమాలే రాజ్ తరుణ్ నటించిన ఒరేయ్ బుజ్జిగా మరొకటి అనుష్క నటించిన నిశ్శబ్దం.
ఈ రెండు సినిమాలు కూడా OTT రిలీజ్ ని కన్ఫాం చేసుకోగా అక్టోబర్ 2 న పోటా పోటిగా రిలీజ్ కానున్నట్లు సమాచారం. ముందుగా ఈ డేట్ ని రాజ్ తరుణ్ ఒరేయ్ బుజ్జిగా ఫిక్స్ చేసుకుంది, ఈ సినిమా ను సుమారు 4 కోట్ల రేంజ్ రేటు చెల్లించి…
ఆహా వీడియో వాళ్ళు హక్కులను సొంతం చేసుకోగా అక్టోబర్ 2 న రిలీజ్ చేస్తున్నట్లు అనౌన్స్ చేశారు. ఇక ఎప్పటి నుండో డిలే అవుతూ వస్తున్న అనుష్క నిశ్శబ్దం సినిమా కి డిజిటల్ రిలీజ్ కి ఎక్కువ రేట్లు ఎక్స్ పెర్ట్ చేసినా క్రేజ్ అండ్ మార్కెట్ తగ్గడం తో సినిమాను…
అమెజాన్ ప్రైమ్ వాళ్ళు 23 కోట్ల రేంజ్ రేటు కే అన్ని భాషల హక్కులను సొంతం చేసుకోగా సినిమాను కూడా అక్టోబర్ న రిలీజ్ చేయబోతున్నట్లు అనౌన్స్ చేశారు. దాంతో తెలుగు లో OTT రిలీజ్ లు కన్ఫాం చేసుకున్న నోటబుల్ సినిమాల్లో క్లాష్ కాబోతున్న మొదటి సినిమాలు గా ఈ రెండు సినిమాలు ఇప్పుడు నిలవ బోతున్నాయి అని చెప్పాలి.
థియేటర్స్ లో పోటి పడితే కలెక్షన్స్ లో క్లాష్ ఉండొచ్చు కానీ ఇలా డిజిటల్ రిలీజ్ అయితే జనాలు తమ వీలు ని బట్టి ఎదో ఒక సినిమా అయితే చూస్తారు, తర్వాత మరో సినిమా ను కూడా చూడటం ఖాయం. దాంతో పెద్దగా ఇబ్బంది ఏమి ఉండదనే చెప్పాలి కానీ వ్యూస్ కొన్ని అటూ ఇటూ అయ్యే అవకాశం ఉంటుంది, అందుకే చాలా వరకు సినిమాలు క్లాష్ కాకుండా చూసుకుంటాయి కానీ ఈ సినిమాలు ఇప్పుడు క్లాష్ అవుతున్నాయి.
