బర్నింగ్ స్టార్ సంపూర్నేష్ బాబు అడపాదడపా సినిమాలతో ఆడియన్స్ ముందుకు అప్పుడప్పుడు వస్తూ ఉన్నాడు, 2019 లో కొబ్బరి మట్ట సినిమాతో మంచి హిట్ నే సొంతం చేసుకున్న సంపూ తర్వాత వరుస పెట్టి సినిమాలను కమిట్ అయ్యాడు కానీ ఏవి కూడా ఆడియన్స్ ముందుకు ఇప్పటి వరకు రాలేదు. లాస్ట్ ఇయర్ ఈ టైం లో తన పుట్టిన రోజున కొత్త సినిమాలను అనౌన్స్ చేశాడు సంపూ. అందులో ఒకటి ఊహాన్ లో…
కరోనా ఎలా పుట్టింది దాన్ని హీరో ఎలా కనిపెట్టాడు అనే కాన్సెప్ట్ తో ఒక సినిమా పోస్టర్స్ ని రిలీజ్ చేయగా ఏడాది నుండి ఆ సినిమా గురించిన ఎలాంటి అప్ డేట్ కూడా లేదు, మళ్ళీ ఇప్పుడు సెకెండ్ వేవ్ టైం లో సంపూ పుట్టిన రోజు అయిన మే 9న…
తన కొత్త సినిమాల పోస్టర్స్ అన్నీ రిలీజ్ చేయగా బజార్ రౌడీ, క్యాలీ ఫ్లవర్ మరియు ఊహన్ నేపధ్యంలో తీసిన సినిమా పోస్టర్ ను రిలీజ్ చేశారు. ఇక ఈ సినిమాకి గాను డైరెక్ట్ గా డిజిటల్ రిలీజ్ ఆఫర్స్ వస్తున్నాయని టాలీవుడ్ లో టాక్ వినిపిస్తుంది.
చిన్న సినిమానే అయినా కానీ డైరెక్ట్ గా డిజిటల్ రిలీజ్ కోసం 3.8 కోట్ల నుండి 4 కోట్ల రేంజ్ లో డిజిటల్ రిలీజ్ ఆఫర్స్ వస్తున్నాయని సమాచారం. సంపూ మార్కెట్ దృశ్యా ఇది అద్బుతమైన రేటు గా చెప్పుకోవచ్చు. అది కూడా ఎలాంటి టైటిల్, టీసర్ లేదా ట్రైలర్ లు రిలీజ్ అవ్వని మూవీ కి… ఇలా బిజినెస్ ఆఫర్స్ రావడం గొప్ప విషయం…
కానీ మేకర్స్ థియేటర్స్ లో సినిమాను రిలీజ్ చేయాలనే ఆలోచనలోనే ఉన్నారని తెలుస్తుంది, పరిస్థితులు సెట్ అయ్యాకే సినిమా పై నిర్ణయం తీసుకోవాలని చూస్తున్నారట. ఫస్ట్ వేవ్ టైం లో ఇలా చాలా సినిమాలకు ఆఫర్స్ వచ్చినా నో చెప్పి చివరికి తక్కువ రేటుకి అమ్మారు. మరి ఈ సినిమా విషయంలో ఏం జరుగుతుందో చూడాలి ఇక..
