బాలీవుడ్ ని ఏక చక్రాదిపత్యంగా ఏలిన వాళ్ళలో కింగ్ ఖాన్ షారుఖ్ ఖాన్ కూడా ఒకరు, ఓ దశాబ్దం పాటు తిరిగు లేని విజయాలను సొంతం చేసుకుని బాలీవుడ్ అంటే షారుఖ్ ఖానే అనే రేంజ్ లో వరల్డ్ వైడ్ క్రేజ్ ని సొంతం చేసుకున్న షారుఖ్ కి బాక్స్ ఆఫీస్ దగ్గర తనదైన రేంజ్ విజయం దక్కి చాలా కాలమే అయింది. మధ్యలో ఒకటి రెండు సినిమాలు పర్వాలేదు అనిపించినా కానీ నికార్సయిన హిట్ మాత్రం…
2013 లో చెన్నై ఎక్స్ ప్రెస్ సినిమా తో సొంతం అయింది. తర్వాత ఇప్పటి వరకు అలాంటి బ్లాక్ బస్టర్ ని అందుకోలేదు షారుఖ్. ఇక రెండేళ్ళ క్రితం చివరి సినిమా రిలీజ్ అయింది, జీరో సినిమా అట్టర్ డిసాస్టర్ అవ్వడం తో కొత్త సినిమా ఏది కూడా..
మొదలు పెట్టకుండానే ఆల్ మోస్ట్ 2 ఏళ్ళు ఖాళీగా ఉన్న షారుఖ్ ఎట్టకేలకు తన కొత్త సినిమాను బాలీవుడ్ నంబర్ 1 డైరెక్టర్ అయిన రాజ్ కుమార్ హిరణీ తో అనౌన్స్ చేయగా ఆ సినిమా తో పాటు ఇప్పుడు మరో బిగ్ మూవీ ని కమిట్ అయ్యాడు..
యష్ రాజ్ ఫిలిమ్స్ మొదలు అయ్యి 50 ఏళ్ళు పూర్తీ అవుతున్న నేపధ్యంలో షారుఖ్ తో బిగ్గెస్ట్ యాక్షన్ మూవీ ని ప్లాన్ చేసింది. సినిమాలో మరో మెయిన్ రోల్ లో జాన్ అబ్రహం ని కూడా అనుకుంటున్నారు. ఇక ఈ సినిమా స్టొరీ ఆల్ మోస్ట్ షారుఖ్ నటించిన రేయిస్ ని పోలి ఉంటుంది అన్న టాక్ బాలీవుడ్ లో చక్కర్లు కొడుతుంది.
సేం గ్యాంగ్ స్టార్ అండ్ పోలిస్ స్టొరీ గా ఈ సినిమా ఉంటుంది అని వార్తలు వస్తుండటంతో ఇంత టైం తీసుకుని మళ్ళీ ఇలాంటి గ్యాంగ్ స్టార్ స్టోరీ నే ఎందుకు, కొత్త కథతో రావొచ్చు కదా అని బాలీవుడ్ లో విమర్శలు కూడా వస్తున్నాయి. మరి ఇవీ ఎంతవరకు నిజం అన్నది త్వరలో జరిగే సినిమా అనౌన్స్ మెంట్ లో క్లియర్ గా తెలుస్తాయని చెప్పొచ్చు. మరి షారుఖ్ కంబ్యాక్ మూవీ ముందు ఇది అవుతుందా లేదా రాజ్ కుమార్ హిరాణీది అవుతుందా అన్న విషయాలు కూడా తెలియాల్సి ఉంది.
