కమెడియన్ నుండి హీరోగా మారి మంచి సక్సెస్ లను చూసినట్లే చూసి మళ్ళీ వరుస ఫ్లాఫ్స్ ను ఎదురుకుని కెరీర్ డౌట్ లో పెట్టుకున్న వాళ్ళలో సునీల్ ఒకరు, తన కామెడీ కోసమే సినిమాలు వచ్చేంత రేంజ్ నుండి ఇప్పుడు సరైన హిట్ కోసం ఎదురు చూసే పరిస్థితి వచ్చింది…. మర్యాద రామన్న పూల రంగడు లాంటి హిట్ మూవీస్ తర్వాత కెరీర్ పూర్తిగా డౌన్ ఫాల్ అవ్వగా హీరోగా హిట్స్ లేవని…
తిరిగి క్యారక్టర్ రోల్స్ చేస్తున్నా ఇప్పటి వరకు ఓల్డ్ సునీల్ ని ఎవ్వరూ తిరిగి గుర్తు చేయలేక పోతున్నారు… ఇలాంటి టైం లో మంచి బ్రేక్ కోసం ఎదురు చూస్తున్న సునీల్ నెగటివ్ టచ్ ఉన్న రోల్స్ కూడా చేస్తున్నా అది ఆడియన్స్ లో రిజిస్టర్ అవ్వడం లేదు అనే చెప్పాలి.
కాగా రీసెంట్ గా ఓ బ్లాక్ బస్టర్ మూవీ రీమేక్ లో సునీల్ నటించబోతున్నారు అన్న వార్తలు వచ్చాయి, అదే కన్నడ లో సూపర్ హిట్ అయిన బెల్ బాటం సినిమా… తెలుగు లో కూడా డబ్ అయ్యి రిలీజ్ అయిన ఈ సినిమా కి ఇక్కడ కూడా మంచి రెస్పాన్స్ వచ్చింది.
కాగా ఈ సినిమా రీమేక్ రైట్స్ ని తీసుకుని సునీల్ తో చేస్తున్నారని వార్తలు రాగా, అఫీషియల్ గా అయితే ఎవరూ కన్ఫాం చేయలేదు… కానీ రీసెంట్ గా సంక్రాంతి కానుకగా సినిమా అఫీషియల్ పోస్టర్ ను రిలీజ్ చేశారు. రీమేక్ అని చెప్పలేదు కానీ పోస్టర్ చూస్తుంటే మట్టుకు బెల్ బాటం మూవీ రీమేకే కావచ్చు అనిపించే విధంగా ఉంది ఈ సినిమా పోస్టర్.. కనపడుటలేదు అనే…
టైటిల్ తో తెరకెక్కుతున్న ఈ సినిమాలో సునీల్ డిటెక్టివ్ గా కనిపించబోతున్నారు, బెల్ బాటం సినిమాలో కూడా హీరో డిటెక్టివ్ గా కనిపిస్తారు. దాంతో ఇది ఆ సినిమా రీమేకే అని కన్ఫాం చేస్తున్నారు. సునీల్ సెట్ అయ్యేలా కొన్ని మంచి కామెడీ ఎలిమెంట్స్ సినిమాలో ఉన్నాయి. ఇది వర్కౌట్ అయ్యి సునీల్ మంచి కంబ్యాక్ ఇవ్వాలని కోరుకుందాం…
