పవర్ స్టార్ పవన్ కళ్యాణ్ వెండితెరపై కంబ్యాక్ ఇవ్వాలని ఫిక్స్ అవ్వగా వరుస పెట్టి సినిమాలను కమిట్ అవుతూ వస్తున్నారు. పింక్ రీమేక్ వకీల్ సాబ్, తర్వాత క్రిష్ డైరెక్షన్ లో పాన్ ఇండియా మూవీ, తర్వాత హరీష్ శంకర్ మూవీ, తర్వాత డాలీ మూవీ ఇలా తన లైనప్ ఆల్ రెడీ ఫుల్ అయిపొయింది, కానీ లాక్ డౌన్ టైం లో కూడా కొత్త కథలను విన్నారు పవన్ కళ్యాణ్…
కానీ వాటిలో ఏవి పెద్దగా నచ్చలేదని సమాచారం. ఇలాంటి టైం లో సీన్ లోకి త్రివిక్రమ్ శ్రీనివాస్ ఎంటర్ అవ్వగా తనకి నచ్చిన ఓ సినిమా ను ఇప్పుడు పవన్ కి సజెస్ట్ చేసి ఇది మీరు చేస్తే బాగుంటుంది అని చెప్పారట.
ఆ సినిమానే మలయాళం లో సూపర్ హిట్ అయిన అయ్యప్పునం కోశియుం సినిమా. ఈ సినిమా రీమేక్ రైట్స్ ఎప్పుడో తీసుకున్నా తెలుగులో స్టార్ కాస్ట్ పెర్ఫెక్ట్ గా సెట్ అవ్వడం లేదు. చివరికి కొన్నాళ్ళు ఆపేద్దాం అనుకున్న టైం కి పవన్ కళ్ళలో పడింది ఈ రీమేక్ సినిమా. ఇద్దరు హీరోల మధ్య నువ్వా నేనా..
అన్నట్లు సాగే ఈ సినిమా లో బిజు మీనన్ రోల్ కి పవన్ ని సజెస్ట్ చేశారట త్రివిక్రమ్, కచ్చితంగా కొత్త ప్రయోగంలా ఉంటుంది మీకు ఈ రోల్ బాగా సూట్ అవుతుంది అని చెప్పడంతో పవన్ కూడా ఇప్పుడు ఈ సినిమా పై ఆలోచనలో పడ్డారట. కాగా ఒకవేళ పవన్ ఓకే అంటే మరో రోల్ కి మరో హీరోని తీసుకోవాల్సి ఉంటుంది.
ఆ హీరో ఎవరు, అలాగే డైరెక్టర్ ఎవరు లాంటివి ఇంకా తెలియాల్సి ఉండగా చాలా మంది దగ్గరకు వెళ్ళిన రీమేక్ ఇప్పుడు పవన్ దగ్గరికి వచ్చి ఆగగా మరి పవన్ కళ్యాణ్ కంప్లీట్ గా సినిమా కి ఓకే అంటాడా లేక వేరే ఏమైనా కథలను వింటాడా అన్న వివరాలు తెలియాల్సి ఉన్నాయి….
