కోలివుడ్ టాప్ హీరోలు అయిన విజయ్ అజిత్ ల సినిమాలు రెండూ కూడా సంక్రాంతి రేసులో పోటి పడబోతున్న విషయం తెలిసిందే. విజయ్ ప్రస్తుతం కెరీర్ బెస్ట్ ఫామ్ లో ఉండటంతో విజయ్ సినిమాకి అన్ని చోట్లా కూడా ఎక్స్ లెంట్ బిజినెస్ జరుగుతూ ఉండటం విశేషం అని చెప్పాలి. కానీ అదే టైం లో అజిత్ సినిమా కి బిజినెస్ పరంగా మరీ అనుకున్న రేంజ్ లో బిజినెస్ అయితే జరగడం లేదు…
తమిళనాడులో విజయ్ అజిత్ ల సినిమాలకు సమంగా థియేటర్స్ ఇవ్వాలని డిమాండ్ చేస్తున్నా కానీ మిగిలిన చోట్ల మాత్రం విజయ్ సినిమాకే ఎక్కువ బిజినెస్ జరుగుతూ ఉంది. విజయ్ వారసుడు సినిమా కి కేరళలో మొత్తం మీద 6.6 కోట్ల రేంజ్ లో బిజినెస్ జరిగింది…..
కానీ అదే టైం లో అజిత్ నటిస్తున్న తునివు సినిమా కి ఎలాంటి బిజినెస్ జరుగుతుంది అన్నది ఆసక్తిగా మారినప్పటికీ కూడా విజయ్ సినిమా తో పోల్చితే అజిత్ సినిమా కి బిజినెస్ అక్కడ కేవలం 2.5 కోట్ల రేంజ్ లోనే జరిగింది అని సమాచారం.
అంటే ఆల్ మోస్ట్ వారసుడు కన్నా కూడా తునివు సినిమా బిజినెస్ మూడో వంతు మాత్రమే ఉందని చెప్పాలి. ఇక మిగిలిన చోట్ల కూడా బిజినెస్ ఆల్ మోస్ట్ వారసుడుతో పోల్చితే చాలా తక్కువగానే ఉందని చెప్పాలి. కానీ బాక్స్ ఆఫీస్ దగ్గర ఏ సినిమా కలెక్షన్స్ పరంగా అద్బుతాలు సృష్టిస్తుందో చూడాలి.
