కోలివుడ్ నుండి టాలీవుడ్ లో రిలీజ్ అయిన సినిమాల్లో అసలు ఏమాత్రం అంచనాలు లేకుండా రిలీజ్ అయ్యి బాక్స్ ఆఫీస్ దగ్గర ఊహకందని విజయాన్ని సొంతం చేసుకున్న సినిమాల్లో ఎక్కువ ప్రాఫిట్ ని సొంతం చేసుకున్న సినిమా బిచ్చగాడు. విజయ్ ఆంటోని అంతకు ముందు ఒక మ్యూజిక్ డైరెక్టర్ గా మాత్రమే తెలియగా ఈ సినిమా తో అందరికీ సుపరిచితం అయ్యాడు. కేవలం 45 లక్షలతో రైట్స్ ని తెలుగు లో కొన్న నిర్మాతకి…
ఏకంగా లాంగ్ రన్ లో 16 కోట్లకు పైగా షేర్ దక్కి అల్టిమేట్ ప్రాఫిట్స్ ని దక్కించి పెట్టిన బిచ్చగాడు టెలివిజన్ లో కూడా డబ్ మూవీస్ లో సెకెండ్ హైయెస్ట్ రేటింగ్స్ ని సొంతం చేసుకుంది. అలాంటి విజయం తర్వాత విజయ్ ఆంటోని అప్ కమింగ్ మూవీస్ కి మంచి క్రేజ్ ఏర్పడింది…
బిచ్చగాడు తర్వాత వచ్చిన భేతాలుడు భారీ హైప్ నడుమ వచ్చి అంచనాలను అందుకోలేక పోయింది, తర్వాత చాలా సినిమాలు చేయగా ఏవి కూడా ఇక్కడ హిట్ గీత అందుకోలేదు. అలాంటి టైం లో లాస్ట్ ఇయర్ కిల్లర్ సినిమా బ్రేక్ ఈవెన్ అవ్వగా మళ్ళీ…
మునుపటి బిచ్చగాడు రేంజ్ విజయం కోసం ఎదురు చూస్తున్న విజయ్ ఆంటోని ఇప్పుడు అఫీషియల్ గా బిచ్చగాడు సినిమా సీక్వెల్ మొదలు పెట్టబోతున్నాడట. ఈ నెల 24 న విజయ్ ఆంటోని బర్త్ డే కానుకగా ఈ సినిమా ఫస్ట్ లుక్ ని రివీల్ చేస్తారు అంటున్నారు. పైకి ఈ సినిమానే అని చెప్పకున్నా కోలివుడ్ లో ఈ సినిమానే అని గట్టిగా చెబుతున్నారు.
తన కెరీర్ లో సలీం సినిమా మొదటి సెన్సేషనల్ హిట్ మూవీ. తర్వాత ఆ నకిలీ సినిమా కూడా మంచి విజయాన్ని అందుకున్నా కానీ బిచ్చగాడు కెరీర్ టర్నింగ్ మూవీ అని చెప్పాలి. దాంతో సీక్వెల్ పై కూడా మంచి అంచనాలు ఉండటం ఖాయంగా కనిపిస్తుంది. మరి ఈ సినిమా తో విజయ్ ఆంటోని ఎలాంటి హిట్ ని సొంతం చేసుకుంటాడో చూడాలి..
