ఇండస్ట్రీ లో కొత్త డైరెక్టర్స్ కి స్టార్స్ తో సినిమాలు చేసే ఛాన్స్ కెరీర్ మొదట్లో రావడం అన్నది మాములు లక్ కాదనే చెప్పాలి, చాలా కొందరికి మాత్రమే ఇలాంటి లక్ ఉంటుంది. కెరీర్ ని సూపర్ హిట్ తో మొదలు పెట్టి తర్వాత సినిమాని ఎవ్వరూ ఎక్స్ పెర్ట్ కూడా చేయని రేంజ్ లో తెరకెక్కించి అందరికీ షాక్ ఇచ్చిన డైరెక్టర్ సుజిత్ అని చెప్పాలి. మొదటి సినిమా రన్ రాజా రన్ తో సూపర్ హిట్ అందుకున్న సుజిత్…
తర్వాత రెండో సినిమాకే ఏకంగా యంగ్ రెబల్ స్టార్ ప్రభాస్ తో పాన్ ఇండియా లో లెవల్ లో 350 కోట్ల బడ్జెట్ తో సాహో లాంటి సినిమా చేసే ఛాన్స్ వచ్చింది, సినిమా నిరాశ పరిచినా కానీ హిందీ లో సూపర్ హిట్ అవ్వడం తో సుజిత్ కి మంచి అవకాశాలు వస్తాయి అని అంతా భావించారు…
మెగాస్టార్ తో లూసిఫర్ రీమేక్ ఆఫర్ వచ్చినా కథలో మార్పులు సరిగ్గా సెట్ కాకపోవడంతో ప్రాజెక్ట్ నుండి తప్పుకోగా… తర్వాత గోపీచంద్ తో సినిమా అనుకున్నా కానీ అది కూడా సెట్ కాలేదు, టాలీవుడ్ లో తాను అనుకున్న స్టార్స్ ఎవ్వరూ కూడా ఛాన్స్ ఇవ్వని పరిస్థితిలో కొత్త సినిమా కోసం….
ఎదురు చూపులు చూస్తున్న తరుణంలో సుజిత్ కి బాలీవుడ్ నుండి ఛాన్స్ వచ్చింది, సాహో అక్కడ విజయం సాధించడంతో అక్కడ యంగ్ హీరో సుజిత్ తో టచ్ లో ఉన్నారని, కథ ఉంటే సినిమా చేద్దాం అని చెప్పారని సమచారం…. ఆ హీరో మరెవరో కాదు 2019 లో 25 కోట్లతో తెరకెక్కిన ఉరి ది సర్జికల్ స్ట్రైక్ తో 245 కోట్ల కలెక్షన్స్ ని బాక్స్ ఆఫీస్ దగ్గర సొంతం చేసుకుని…
సెన్సేషనల్ రికార్డులను తిరగరాసిన విక్కీ కౌశల్… ఆ సినిమా తర్వాత చాలా సినిమాల ఆఫర్స్ వచ్చినా సెలెక్టివ్ గా సినిమాలు చేస్తున్న విక్కీ కౌశల్ ఇప్పుడు సుజిత్ తో సినిమా చేసే అవకాశం ఉందని టాక్ గట్టిగా వినిపిస్తుంది, టాలీవుడ్ ఆఫర్ కోసం ఎదురు చూస్తున్న సుజిత్ కి బాలీవుడ్ లో ఫామ్ లో ఉన్న హీరో దొరకడం విశేషం అనే చెప్పాలి, ఇది కనుక నిజం అయితే ఇద్దరూ కలిసి బాలీవుడ్ లో రచ్చ చేయడం ఖాయమని చెప్పాలి..
