తమిళ్ తో పాటు తెలుగు లో కూడా మంచి క్రేజ్ ఉన్న హీరోల్లో కార్తీ కూడా ఒకరు… కెరీర్ స్టార్టింగ్ లో ఇక్కడ కూడా మంచి విజయాలను సొంతం చేసుకున్న కార్తీ మధ్యలో అప్పుడప్పుడు ఫ్లాఫ్స్ పడ్డా మినిమమ్ బజ్ ని తన సినిమాలకు ఇక్కడ సొంతం చేసుకుంటూ వస్తున్నాడు. ఇక రీసెంట్ టైం లో ఖాకీ మరియు చినబాబు సినిమాలతో ఇక్కడ మంచి రిజల్ట్ నే సొంతం చేసుకున్నాడు కార్తీ..
కానీ ఈ ఇయర్ లో స్టార్టింగ్ లో దేవ్ సినిమా తో రాగా ఆ సినిమా డిసాస్టర్ అయింది… ఇక ఇప్పుడు ప్రేక్షకుల ముందుకు దీపావళి కానుకగా ఎక్స్ పెరిమెంటల్ మూవీ ఖైదీ తో రాబోతున్నాడు… కాగా ఇది ప్రయోగాత్మక సినిమా నే అయినా మంచి బిజినెస్ నే సొంతం చేసుకుంది.
తమిళ్ మరియు తెలుగు లో ఏక కాలం లో రిలీజ్ కాబోతున్న ఈ సినిమా కి పోటి గా మరో డబ్ మూవీ బిగిల్ తెలుగు లో విజిల్ భారీ ఎత్తున ఇక్కడ కూడా రిలీజ్ కానుంది. అయినా కానీ ఖైదీ కి ఇక్కడ మరియు అక్కడ డీసెంట్ బిజినెస్ జరగడం అందరికీ షాక్ ని కలిగిస్తుంది.
సినిమా తమిళనాడు లో 18 కోట్ల మేర బిజినెస్ సాధించగా వరల్డ్ వైడ్ గా 24 కోట్ల మేర బిజినెస్ చేసింది. దాంతో బ్రేక్ ఈవెన్ కి 40 కోట్ల మేర గ్రాస్ ని వసూల్ చేయాల్సిన అవసరం ఉంటుంది. ఇక తెలుగు రాష్ట్రాలలో సినిమా టోటల్ గా 4.3 కోట్ల మేర బిజినెస్ ని సొంతం చేసుకున్నట్లు సమాచారం.
దాంతో తెలుగు లో హిట్ అవ్వాలి అంటే సినిమా 5 కోట్ల మేర షేర్ ని అందుకోవాల్సి ఉంటుంది. మొత్తం మీద రెండు చోట్ల కూడా బిగిల్ భారీ ఎత్తున క్రేజ్ నడుమ రిలీజ్ అవుతుండగా మంచి బిజినెస్ ని దక్కించుకున్న ఖైదీ సినిమా ఎంతవరకు నెట్టుకు వచ్చి బిజినెస్ ని క్రాస్ చేస్తుందో చూడాలి.
