రిలీజ్ కి పట్టుమని 15 రోజులు కూడా లేవు, కానీ సినిమాను ఏమాత్రం ప్రమోట్ చేయకుండా ఉన్న అప్ డేట్ కూడా ఆన్ టైం ఇవ్వకుండా అసలు సినిమా ఉంటుందా లేదా అన్న అనుమానాలను రేకెత్తిస్తూ రీసెంట్ టైం లో ఏ మెగాస్టార్ సినిమా కి కూడా జరగని లో ప్రమోషన్స్ ని జరుపుకుంటున్న సినిమా గాడ్ ఫాదర్…. దసరా బరిలో అక్టోబర్ 5న రిలీజ్ అవ్వడానికి సిద్ధం అవుతున్న ఈ సినిమా…
ప్రమోషన్స్ విషయంలో మేకర్స్ కి ఇప్పటి వరకు అయితే జీరో కూడా కాదు మైనస్ మార్కులు పడతాయి. ఒక్క సాంగ్ లిరికల్ వీడియో కూడా ఇప్పటి వరకు ఇవ్వలేక పోయిన వీళ్ళ తీరు చాలా మందిలో తీవ్ర అసహనాన్ని కలిగించింది అనడంలో సందేహం లేదు…
ఇక రిలీజ్ కి 15 రోజులు కూడా లేని ఈ సినిమా ప్రమోషన్స్ లాంటివి ఏమి జరగక పోవడంతో బయర్స్ లో సినిమా పై మినిమమ్ ఇంట్రెస్ట్ లేదని టాలీవుడ్ లో లేటెస్ట్ గా వార్తాలు చక్కర్లు కొడుతున్నాయి. మెగాస్టార్ సినిమా అంటే సెట్స్ మీద ఉండగానే బిజినెస్ మొత్తం అయిపోతుంది.
కానీ ఈ సినిమా విషయంలో అలాంటిది ఏమి జరగడం లేదు, సినిమాకి ప్రమోషన్స్ అయితే ఇంకా చేయడం లేదు కానీ బయర్స్ కి ఏరియాల వారిగా భారీ రేట్లు చెబుతూ ఉండటంతో వాళ్ళు ఆ రేట్లు చూసి నిర్మొహమాటంగా నో చెబుతున్నారని సమాచారం. అసలే ఆచార్య ఎపిక్ డిసాస్టర్ తర్వాత ఎలాగైనా భారీ హిట్ కొట్టాల్సిన అవసరం ఉన్న టైం లో రిలీజ్ కి 15 రోజులు మాత్రమే ఉన్నా మినిమమ్ ప్రమోషన్స్ చేయకుండా..
సినిమా నుండి ఎలాంటి అప్ డేట్స్ ఇవ్వకుండా భారీ రేట్లు పెట్టి కొనమంటే ఎలా కొంటామని బయర్స్ భావిస్తున్నట్లు తెలుస్తుంది… దాంతో బయర్స్ కొనకపోతే తామే సినిమాను ఓన్ గా రిలీజ్ చేద్దామని మేకర్స్ అనుకుంటున్నారని టాక్ వినిపిస్తుంది. మొత్తం మీద గాడ్ ఫాదర్ రిజల్ట్ ఎలా ఉంటుందో అన్నది ఇప్పుడు ఆసక్తికరంగా మారింది అని చెప్పాలి.
