టాలీవుడ్ సూపర్ స్టార్ మహేష్ బాబు నటించిన లేటెస్ట్ మూవీ సరిలేరు నీకెవ్వరు సంక్రాంతి బరిలో భారీ పోటి లో కూడా సెన్సేషనల్ కలెక్షన్స్ తో రికార్డులను క్రియేట్ చేయగా తర్వాత టెలివిజన్ లో టెలికాస్ట్ అయినప్పుడు కూడా సంచలనాలను సృష్టించి కొత్త రికార్డు లను నమోదు చేసింది, కాగా సినిమా రీసెంట్ గా తమిళ్ లో డబ్ అయ్యి అక్కడ భారీ లెవల్ లోనే రిలీజ్ ను సొంతం చేసుకుంది.
220 థియేటర్స్ లో రిలీజ్ అయిన ఈ సినిమా కి అక్కడ టాక్ పర్వాలేదు బాగుంది అన్న రేంజ్ లో రాగా, తొలిరోజు ఆడియన్స్ థియేటర్స్ కి బాగానే వచ్చారని చెప్పాలి, కరోనా కారణంగా థియేటర్స్ లో ఆక్యుపెన్సీ 50% వరకు మాత్రమే ఉంచాలని రూల్ ఉండగా జనాలు చాలా లిమిటెడ్ గానే థియేటర్స్ కి వస్తున్నారు.
ఆ ఎఫెక్ట్ అక్కడ రిలీజ్ అయిన కొత్త సినిమాలకే ఎఫెక్ట్ చూపగా డబ్ మూవీ సరిలేరు నీకెవ్వరు కి కూడా గట్టి షాక్ ఇచ్చింది, మొదటి రోజు 10 లక్షల లోపు గ్రాస్ ని వసూల్ చేసిన ఈ సినిమా మొదటి వీకెండ్ కి గాను అలాగే ఇప్పటి వరకు అక్కడ మొత్తం మీద…..
20 లక్షల లోపు గ్రాస్ కలెక్షన్స్ ని అందుకుందని సమాచారం…. ఆల్ రెడీ మాస్టర్ ప్రింట్ అందుబాటులో ఉండటం జనాలు థియేటర్స్ కి అనుకున్న విధంగా ఇంకా రాకపోవడం లాంటి కారణాలు అనేకం ఉన్నాయి. లోకల్ గా రిలీజ్ అయిన 2 కొత్త సినిమాల కలెక్షన్స్ కూడా ఈ విధంగానే చాలా లిమిటెడ్ గా వస్తున్నాయని అంటున్నారు…
ఈ లెక్కన డబ్ మూవీ ని పెద్దగా పట్టించుకుంటారు అనుకోవడం మన తప్పే అవుతుంది, పరిస్థితులు మెరుగు అవ్వాలంటే మరింత సమయం పట్టేలా ఉందని చెప్పాలి. ఇక ఇక్కడ కూడా థియేటర్స్ రీ ఓపెన్ చేసాక కూడా ఒక పెద్ద హిరో సినిమా రిలీజ్ అయితేనే జనాలు థియేటర్స్ లోకి అడుగు పెట్టె అవకాశం ఉంటుంది. ఇక సరిలేరు నీకెవ్వరు తమిళ్ డబ్ లాంగ్ రన్ ఎలా ఉంటుందో చూడాలి.
