బాక్స్ ఆఫీస్ దగ్గర మొదటి పార్ట్ ఎదో సక్సెస్ అయింది కదా అని సెకెండ్ పార్ట్ కూడా అదే రేంజ్ లో సక్సెస్ అవుతుంది ఆడియన్స్ ను భారీగా థియేటర్స్ కి రప్పిస్తుంది అను కుంటే అది తప్పే అవుతుంది, సీక్వెల్ అంటే మొదటి పార్ట్ కి మించి ఆకట్టుకునేలా ఉండాలి కానీ ఆడియన్స్ అంచనాలను అందుకోక పొతే మట్టుకు భారీగా నిరాశ పరిచే రిజల్ట్ సొంతం అవ్వడం ఖాయమని చెప్పాలి…
రీసెంట్ గా ఆడియన్స్ ముందుకు బాలీవుడ్ లో భారీ బడ్జెట్ తో తెరకెక్కిన సినిమా సత్యమేవ జయతే 2 ఇండియా వైడ్ గా 3000 వరకు స్క్రీన్స్ లో భారీ రిలీజ్ ను సొంతం చేసుకుంది, సినిమా ట్రైలర్ రిలీజ్ అప్పుడే ఇలా ఉందేంటి ట్రైలర్ అంటూ అందరూ కామెంట్స్ చేశారు…
అసలు బాలీవుడ్ స్టాండర్డ్స్ లో సినిమా ట్రైలర్ లేదని కామెంట్స్ చేశారు. ఇక సినిమా రిలీజ్ అయిన తర్వాత చూసిన ఆడియన్స్ ఇదేం సినిమా రా బాబు అంటూ తలలు పట్టుకు కూర్చున్నారు. రివ్యూలు కూడా కంప్లీట్ గా నెగటివ్ రెస్పాన్స్ ను సొంతం చేసుకున్న ఈ సినిమా ఓవరాల్ గా ఇప్పుడు…
ఆడియన్స్ ముందుకు వచ్చి భారీగా విమర్శలను ఎదురుకోవడం ఒకెత్తు, మాస్ ఆడియన్స్ చూస్తారు అన్న కాన్ఫిడెంట్స్ తో ఓవర్ మాస్ సీన్స్ ని వరుస పెట్టి చూపెట్టిన మేకర్స్ కి మాస్ జనాలు థియేటర్స్ కి అస్సలు రాక పోవడంతో మూడు రోజుల్లో బాక్స్ ఆఫీస్ దగ్గర సినిమా ఇప్పుడు ఇండియా లో 7.5 కోట్లు మాత్రమే వసూల్ చేసి దారుణమైన కలెక్షన్స్ ని అందుకుంది.
సినిమాను మొత్తం మీద 70 కోట్ల రేంజ్ బడ్జెట్ లో నిర్మించగా ఆ బడ్జెట్ ప్రకారం చూసుకుంటే వచ్చిన కలెక్షన్స్ చూసి ట్రేడ్ వర్గాలు సినిమా అత్యంత భారీ నష్టాలను బాక్స్ ఆఫీస్ దగ్గర సొంతం చేసుకునే అవకాశం ఉందని అంటున్నారు. ఏదైనా అద్బుతం జరిగితే తప్ప బాక్స్ ఆఫీస్ దగ్గర సినిమా తేరుకునే అవకాశం లేదని తేల్చేస్తున్నారు.
