కొందరు కెరీర్ ని మంచి హిట్స్ తో స్టార్ట్ చేసినా తర్వాత స్క్రిప్ట్ సెలెక్షన్ బాలేక పూర్తీ ఫామ్ ని కోల్పోతారు… ఈ కోవలోకి చాలా మంది హీరోలు ఉండగా టాలీవుడ్ డైలాగ్ కింగ్ సాయి కుమార్ తనయుడు ఆది ప్రేమ కావాలి సినిమా తో టాలీవుడ్ లో ఎంట్రీ ఇచ్చి సూపర్ హిట్ కొట్టగా తర్వాత రెండో సినిమా లవ్ లీ తో మరో హిట్ ని తన ఖాతాలో వేసుకున్నాడు.
ఇక వెను తిరిగి చూసుకోవాల్సిన అవసరం లేదు అనుకుంటున్న టైం లో పిల్ల జమిందార్ డైరెక్టర్ తో సుకుమారుడు సినిమా మంచి హైప్ నడుమ రిలీజ్ అయ్యి బొక్క బోర్లా పడింది. అలాగే ఆది కెరీర్ గ్రాఫ్ కూడా మారిపోయింది… లవ్ లీ 2012 లో ప్రేక్షకుల ముందుకు రాగా…
మళ్ళీ 8 ఏళ్ళు అవుతున్నా ఆది ఖాతాలో ఇప్పటి వరకు క్లీన్ హిట్ అయతే పడలేదు… ప్యార్ మే పడిపోయానే, గాలిపటం, రఫ్, గరం, చుట్టాలబ్బాయి, శమంతకమణి, నెక్స్ట్ నువ్వే, బుర్రకథ, జోడి, ఆపరేషన్ గోల్డ్ ఫిష్ ఇలా అనేక సినిమాలు చేసినా కానీ ఒక్కటి కూడా హిట్ గీత ని దాటలేక పోయింది.
ఇలాంటి టైం లో ఇప్పుడు అందరికీ షాక్ ఇస్తూ ఏకంగా పాన్ ఇండియా లెవల్ లో సినిమా చేయడానికి సిద్ధం అవుతున్నాడు ఆది… కొత్త దర్శకుడు బలవీర్ డైరెక్షన్ లో SVR ప్రొడక్షన్ లో తెరకెక్కుతున్న ఈ సినిమా స్టొరీ పాయింట్ ఇన్వెస్టిగేషన్ థ్రిల్లర్ అంటున్నారు.. భారీ గ్రాఫిక్స్ హంగులతో ఈ సినిమా రూపొందుతుందని అంటుండటం విశేషం.
ఆది కన్ఫాం అవ్వగా మిగిలిన స్టార్ కాస్ట్ కన్ఫాం అవ్వాల్సి ఉందట. ఈ ఇయర్ ఎండ్ కల్లా సినిమా షూటింగ్ మొదలు అవుతుందని సమాచారం. 8 ఏళ్లుగా హిట్ కోసం ఎదురు చూస్తున్న ఆది ఈ సారి చేయబోయే పాన్ ఇండియా మూవీ తో అయినా సక్సెస్ ను సొంతం చేసుకుంటాడో లేదో చూడాలి మరి…
