రీమేక్ సినిమాలు అంటే ఎప్పుడూ సాహసం తో కూడుకున్న విషయం అనే చెప్పాలి, సరిగ్గా వస్తే ఎవ్వరూ ఏమి అనరు కానీ సినిమా ఔట్ పుట్ తేడా కొడితే మాత్రం అందరూ విమర్శలను గుప్పించడం మాత్రం ఖాయమని చెప్పొచ్చు. రీసెంట్ గా బాలీవుడ్ ఖిలాడీ అక్షయ్ కుమార్ నటించిన లక్ష్మీ సినిమా లారెన్స్ కాంచన సినిమాకి రీమేక్ గా తెరకెక్కి ఒరిజినల్ లో లారెన్స్ పర్ఫార్మెన్స్ దరిదాపుల్లో కూడా రాలేదని…
తీవ్ర విమర్శలను బాలీవుడ్ లోనే ఎదురుకున్న విషయం తెలిసిందే, ఇప్పుడు అక్షయ్ కుమార్ నిర్మాణంలో తెరకెక్కిన భూమి పడ్నేకర్ దుర్గామతి సినిమా విషయం లో కూడా ఇదే జరుగుతుంది, బాలీవుడ్ లో ఈ సినిమా చూసిన ప్రతీ ఒక్కరు కూడా తీవ్ర విమర్శలను గుప్పిస్తున్నారు.
ఒరిజినల్ వర్షన్ భాగమతి సినిమా కూడా కథ పరంగా మరీ అద్బుతమైన సినిమా కాకున్నా కానీ అనుష్క చరిష్మా తో బాక్స్ ఆఫీస్ కెపాసిటీ వలన మంచి విజయాన్ని నమోదు చేసుకుంది, అనుష్క పాత్ర కూడా హైలెట్ గా ఉండటం మరింత కలిసి రాగా.. ఇప్పుడు రిలీజ్ అయిన దుర్గామతి సినిమా విషయం లో…
హీరోయిన్ బిగ్గెస్ట్ మైనస్ పాయింట్ అయ్యింది అంటూ విమర్శలు గుప్పిస్తున్నారు. అనుష్కతో పోల్చితే కనీస కాంపిటీషన్ కూడా భూమి ఈ సినిమా లో ఇవ్వలేక పోయిందని ఆమె పెర్ఫార్మెన్స్ అండ్ పూర్ టేకింగ్ వలన మంచి హిట్ అవ్వాల్సిన సినిమా మినిమం ఇంట్రెస్ట్ ని క్రియేట్ చేయలేక పోయింది అంటూ విమర్శలు గుప్పిస్తున్నారు.
ఇక్కడ గమనించాల్సిన విషయం ఏంటంటే… రీమేక్ చెడగొట్టారు అంటూ సౌత్ వాళ్ళు సినిమాను ఎంత విమర్శలు చేస్తున్నారో అంతకన్నా ఎక్కువగా నార్త్ వాళ్ళు సినిమా పై విమర్శలు గుప్పిస్తున్నారు. మొత్తం మీద థియేటర్స్ లో రిలీజ్ అయ్యి ఉంటె పరిస్థితి వేరేలా ఉండేదేమో కానీ డైరెక్ట్ రిలీజ్ వలన ఈ సినిమా సేఫ్ అయ్యింది అంటున్నారు ఇప్పుడు.
