నాచురల్ స్టార్ నాని కెరీర్ లో ప్రతిష్టాత్మక 25 వ సినిమా గా తెరకెక్కిన సినిమా “వి ది మూవీ” మోహనకృష్ణ ఇంద్రగంటి డైరెక్షన్ లో నాని నెగటివ్ రోల్ లో సుధీర్ బాబు పోలిస్ రోల్ లో నివేదా థామస్ హీరోయిన్ గా నటిస్తున్న ఈ సినిమా పై టాలీవుడ్ లో మంచి అంచనాలే ఉన్నాయని చెప్పాలి. సమ్మర్ కానుక గా రిలీజ్ అవ్వాల్సిన మొట్ట మొదటి సినిమా ఇదే…. కానీ…
కానీ కరోనా వైరస్ ఎఫెక్ట్ వలన లాక్ డౌన్ రెండున్నర నెలలుగా కొనసాగడం తో ఈ సినిమా తో పాటు అనేక ఇతర సినిమా లు కూడా రిలీజ్ ఆగిపోయాయి. అందులో కొన్ని సినిమాలు డైరెక్ట్ డిజిటల్ రిలీజ్ కి సిద్ధ పడగా… నాని కెరీర్ లో ప్రతిష్టాత్మక 25 వ సినిమా అయిన వి ది మూవీ కూడా…
భారీ రేంజ్ లో OTT ఆఫర్స్ దక్కాయి. రేటు ఏకంగా 33 కోట్లకు పైగానే దక్కినా కానీ యూనిట్ అప్పుడు నో చెప్పగా, పరిస్థితులు మారిన తర్వాత థియేటర్స్ లోనే రిలీజ్ చేస్తామని అప్పుడే ప్రకటించారు. కానీ ఏప్రిల్, మే ఇప్పుడు జూన్ నెల కూడా గడుస్తుంది.
మరో నెల రెండు నెలల తర్వాత కూడా పరిస్థితులు ఎలా ఉంటాయో అన్నది ఎవ్వరూ క్లియర్ గా చెప్పలేని పరిస్థితి ఉంది. దాంతో మళ్ళీ OTT యాప్స్ అన్నీ సినిమాలకు మరో రౌండ్ ఆఫర్ ఇస్తున్నాయి. ఈ క్రమం లో వి ది మూవీ కి కూడా ఆఫర్ ఇవ్వగా ఈ సారి నాని డైరెక్ట్ గా రంగం లోకి దిగాడు.
ఎట్టి పరిస్థితులలో కూడా ఈ సినిమా ముందు థియేటర్స్ లోనే రిలీజ్ అవుతుందని, తర్వాతే డిజిటల్ రిలీజ్ ని ఫైనల్ గా టెలివిజన్ లో వస్తుంది తప్పితే డైరెక్ట్ గా డిజిటల్ రిలీజ్ మాత్రం కాదని కన్ఫాం చేశాడు. దాంతో ప్రస్తుతానికి మిగిలిన సినిమాలు ఎలా ఉన్నా వి ది మూవీ మాత్రం డైరెక్ట్ థియేటర్స్ లోనే రాబోతుందని కన్ఫాం అయింది..
