సెన్సేషనల్ కలెక్షన్స్ తో సరికొత్త రికార్డులను నమోదు చేస్తూ దూసుకు పోతుంది ఉప్పెన సినిమా. రెండు తెలుగు రాష్ట్రాలలో సినిమా అల్టిమేట్ కలెక్షన్స్ ని మొదటి మూడు రోజుల్లో సొంతం చేసుకుంది. ఈ రికార్డులు అన్నీ ఒకెత్తు అయితే సినిమా ఎట్టకేలకు టాలీవుడ్ లో ఎప్పటి నుండో ఉన్న ఒక రేర్ హిస్టారికల్ రికార్డ్ ను బ్రేక్ చేసి సత్తా చాటుకుంది. టాలీవుడ్ తరుపున ఇప్పుడు బిగ్గెస్ట్ రికార్డ్ ను సాధించింది…
14 ఏళ్ల క్రితం అంటే 2007 లో మెగా పవర్ స్టార్ రామ్ చరణ్ హీరోగా లాంచ్ అయిన మొట్ట మొదటి సినిమా చిరుత సినిమా నెలకొల్పిన రికార్డ్ ను తర్వాత టైం లో ఏ సినిమా కూడా బ్రేక్ చేయలేక పోయింది. హీరోగా మొదటి సినిమా తో దుమ్ము లేపడానికి చాలా మంది ట్రై చేశారు.
2014 లో అల్లుడు శీను దగ్గరకి వచ్చినా మిస్ అయ్యింది, ఇక 2015 లో అఖిల్ లాంచ్ మూవీ కి క్రేజ్ మరో లెవల్ లో ఉండేది, కానీ సినిమా టాక్ నెగటివ్ గా ఉంటడంతో మొదటి రోజు తర్వాత సినిమా నిలబడలేక పోయింది. దాంతో చిరుత రికార్డ్ 14 ఏళ్ల పాటు అలానే కొనసాగింది.
ఇప్పుడు ఎట్టకేలకు 14 ఏళ్ల తర్వాత ఉప్పెన సినిమా తో పంజా వైష్ణవ్ తేజ్ ఆ రికార్డ్ ను బ్రేక్ చేసి బాక్స్ ఆఫీస్ దగ్గర 3 రోజుల్లో సాధించిన కలెక్షన్స్ తోనే ఏకంగా 26.78 కోట్ల రేంజ్ షేర్ ని సొంతం చేసుకుని చిరుత సినిమా లైఫ్ టైం కలెక్షన్స్ 25.11 కోట్ల ను బ్రేక్ చేసి ఆల్ టైం రికార్డ్ ను నమోదు చేసింది, అప్పటి టికెట్ రేట్లు వేరు ఇప్పటి టికెట్ రేట్లు వేరు కానీ రికార్డ్ రికార్డే కాబట్టి…
ఈ రికార్డ్ ఇప్పుడు బ్రేక్ అయ్యి ఉప్పెన పేరిట అతి పెద్ద రికార్డ్ వచ్చి చేరింది, ఇక ఇప్పటి నుండి సినిమా సాధించే కలెక్షన్స్ ఏ రేంజ్ లో ఉంటాయి ఎంత దూరం వెళతాయి అన్నది ఆసక్తిగా మారగా లైఫ్ టైం లో ఇప్పుడు సాధించే కలెక్షన్స్ ని అప్ కమింగ్ మూవీస్ లో ఏ మూవీ అందుకుంటుందో అనేది కూడా ఆసక్తిగా మారింది.
