టాలీవుడ్ సూపర్ స్టార్ మహేష్ బాబు మూడు వరుస విజయాల తర్వాత చేస్తున్న సినిమా సర్కారు వారి పాట. బాక్స్ ఆఫీస్ దగ్గర వరుస ఫ్లాఫ్స్ తర్వాత ఒకటి కి మించి ఒకటి సూపర్ హిట్లతో హాట్రిక్ కంబ్యాక్ ఇచ్చిన సూపర్ స్టార్ మహేష్ బాబు ఇప్పుడు గీత గోవిందం ఫేం పరశురామ్ డైరెక్షన్ లో చేస్తున్న సర్కారు వారి పాట రెగ్యులర్ షూటింగ్ కి కొంత సమయం పట్టేలా ఉంది.
సెప్టెంబర్లో సినిమా రెగ్యులర్ షూటింగ్ మొదలు కాబోతుందని సమాచారం. ఇక సినిమా కోసం బ్యాంక్ సెట్ భారీ లెవల్ లో రూపొందిస్తున్న విషయం తెలిసిందే. ఇక సినిమా కి సంభందించిన మరిన్ని విశేషాలు రిలీజ్ అయ్యాయి. సినిమాలో మెయిన్ విలన్ రోల్ కోసం మొత్తం మీద 3 క్రేజీ స్టార్స్ ని అప్రోచ్ అయ్యారు.
కన్నడ స్టార్స్ ఉపేంద్ర మరియు కిచ్చ సుదీప్ లను అలాగే తమిళ్ యాక్టర్ అరవింద్ స్వామీ ముగ్గురిని కలిసి భారీ రెమ్యునరేషన్ ఆఫర్ చేయగా ప్రస్తుత పరిస్థితుల వలన ముగ్గురి లో ఎవ్వరూ ఇంకా ఓకే చెప్పలేదని తెలుస్తుంది. త్వరలోనే ముగ్గురి లో ఒకరు కన్ఫాం కావచ్చు అంటున్నారు.
ఇక సినిమా లో సూపర్ స్టార్ మహేష్ డ్యూయల్ రోల్ లో కనిపించబోతున్నారు అన్నది లేటెస్ట్ టాక్. ఒకటి బ్యాంక్ ఉద్యోగి అని మరోటి దొంగ అని అంటున్నారు. కానీ దీని పై ఇంకా అఫీషియల్ అనౌన్స్ మెంట్ రావాల్సి ఉంది. బ్యాంక్ నుండి వేల కోట్లు అప్పు తీసుకుని ఎగ్గొట్టి విదేశాలకు వెళ్ళే విలన్ ని…
హీరో ఎలా తిరిగి ఇండియా తీసుకు వచ్చాడు అన్నది స్టొరీ పాయింట్ అంటున్నారు. ఆ విలన్ హీరో డ్యూయల్ రోల్ వ్యక్తా లేక మెయిన్ విలనా అన్నది ఆసక్తి కరమైన స్క్రీన్ ప్లే తో హీరోయిజం ఎలివేట్ అయ్యే సీన్స్ తో పరశురామ్ చాలా బాగా రాసుకున్నాడని అంటున్నారు. ఇక సినిమా వచ్చే ఏడాది సమ్మర్ ని టార్గెట్ చేసి రిలీజ్ అవుతుంది అని అంటున్నారు..
