యంగ్ రెబల్ స్టార్ ప్రభాస్ నటిస్తున్న మోస్ట్ అవైటెడ్ మూవీ రాధే శ్యామ్ కోసం ఫ్యాన్స్ అందరూ ఎంతో ఆశగా ఎదురు చూస్తున్నారు, సినిమా ఎప్పుడెప్పుడు వస్తుందా అని ఎదురు చూస్తూ ఉండగా సంక్రాంతికే సినిమా అప్ డేట్ రావాల్సింది కానీ ఎందుకనో మేకర్స్ అనౌన్స్ చేయలేదు. కానీ ఇప్పుడు వాలంటైన్స్ డే రోజున మాత్రం సినిమా గ్లిమ్స్ ని రిలీజ్ చేసి ఫ్యాన్స్ కి సంతోషం కలిగేలా చేశారు అని చెప్పాలి.
టీసర్ రిలీజ్ అవుతుంది అనుకున్నా ఎందుకనో ఆపి ముందు రిలీజ్ డేట్ తో కూడిన గ్లిమ్స్ ని రిలీజ్ చేసి ఫ్యాన్స్ ని ఖుషీ చేశారు. ఇక సినిమా గ్లిమ్స్ ప్రభాస్ ఇటాలియన్ డైలాగ్స్ తో పూజా హెగ్డే ని ప్రపోజ్ చేస్తూ డైలాగ్స్ పెట్టగా తర్వాత పూజా హెగ్డే నువ్వమైన రోమియో అనుకున్నావా…
అంటూ డైలాగ్ చెప్పడం, రోమియో ప్రేమ కోసం చనిపోయాడు…నేనా టైప్ కాదు అంటూ ప్రభాస్ చెప్పిన డైలాగ్ తో గ్లిమ్స్ ముగిసింది. ఓవరాల్ గా గ్లిమ్స్ మరీ అద్బుతం కాదు కానీ సింపుల్ గా సూపర్ గా అనిపించేలా క్యూట్ గా ఉందని చెప్పాలి. బ్యాగ్రౌండ్ స్కోర్ కూడా ఫీల్ గుడ్ గా ఉంది…
ఇక అన్నింటికీ మించి సినిమా రిలీజ్ డేట్ ని గ్లిమ్స్ లో అప్ డేట్ చేసేశారు. సినిమా ప్రేక్షకుల ముందుకు అన్ని భాషల్లో పాన్ ఇండియా లెవల్ లో జులై 30 న రిలీజ్ కాబోతుంది అంటూ అనౌన్స్ చేశారు. దాంతో ఫ్యాన్స్ ఆనందానికి అవధులు లేకుండా పోయింది అనే చెప్పాలి. ఇక గ్లిమ్స్ కి రెస్పాన్స్ ఎలా వస్తుంది అన్నది ఆసక్తి కరంగా మారింది అని చెప్పాలి. తెలుగు హిందీ తో పాటు…
సౌత్ భాషలు అన్నింటిలో సెపరేట్ గా రిలీజ్ అయిన ఈ గ్లిమ్స్ తోనే రికార్డులు క్రియేట్ చేయాలనీ ఫ్యాన్స్ ఆశిస్తున్నారు. మరి 24 గంటల్లో ఈ గ్లిమ్స్ తో ఎలాంటి రికార్డులను సృష్టిస్తారో చూడాలి. ఇక త్వరలోనే సినిమా షూటింగ్ కూడా కంప్లీట్ కాబోతుందని, తర్వాత పోస్ట్ ప్రొడక్షన్ వర్క్ మొదలు అవుతుందని అంటున్నారు, సినిమా ఎట్టి పరిస్థితులలో ఈ సారి అనుకున్న డేట్ కి వస్తుంది అని అంటున్నారు.
