ఈ కరోనా వైరస్ ఎఫెక్ట్ వలన అందరికీ గట్టి ఎదురుదెబ్బే తగిలింది, ఇక ఫిలిం ఇండస్ట్రీ కి కూడా సాలిడ్ గా దెబ్బ పడినట్లు అయింది, షూటింగ్స్ ఆగిపోయాయి, సినిమాలు ఆగిపోయాయి, థియేటర్స్ మూతబడ్డాయి. అవి ఎప్పుడు తెరుచుకుంటాయో ఎవ్వరికీ తెలియని పరిస్థితి. ఒకవేళ తెరచుకున్నా కానీ జనాలు మునుపటి లో థియేటర్స్ కి వస్తారో లేరో అన్న అనుమానాలు, వైరస్ ఇంకా ఇండియా లో తగ్గుమొఖం పట్టలేదు. ఎప్పుడు పడుతుందో ఎవ్వరికీ తెలియదు.
అందరూ ఇళ్లలోనే లాక్ డౌన్ లో ఉండటం తో స్ట్రీమింగ్ యాప్స్ మాత్రమె ఎంతో కొంత లాభాల్లో ఉన్నాయి, ఈ యాప్స్ లో సినిమాలు చూసే వాళ్ళ సంఖ్య లాక్ డౌన్ టైం లో చాలా పెరిగింది, దాంతో కొత్త సినిమాలను భారీ రేట్లు ఆఫర్ చేసి కొని…
స్ట్రీమింగ్ యాప్స్ లో డైరెక్ట్ గా రిలీజ్ చేయాలని ఈ OTT యాప్స్ శతవిధాల ట్రై చేస్తున్నాయి. కొన్ని చిన్న సినిమాలు ఓకే అన్నా పెద్ద సినిమాలు మాత్రం నో అంటూనే ఉన్నాయి, కోలివుడ్ లో విజయ్ నటించిన మాస్టర్ కి అలాగే ధనుష్ లేటెస్ట్ మూవీ జగమే తంత్రం మూవీ…
సమ్మర్ లో మిగిలిన సినిమాల కన్నా ముందు రిలీజ్ అవ్వాల్సి ఉన్నా పరిస్థితుల వలన ఆగిపోయాయి. ఆ సినిమాలకు ఈ స్ట్రీమింగ్ యాప్స్ సాలిడ్ ఆఫర్స్ ఇస్తుండగా అవి ముందు యూనిట్ నో చెప్పినా మళ్ళీ మళ్ళీ ట్రై చేస్తుండటం తో హీరోల దగ్గర దాకా ఈ విషయం వెళ్ళడం తో వాళ్ళు సీరియస్ అయ్యారట.
మనం ఇంత కష్టపడి సినిమాలు చేసి జనాలు థియేటర్స్ చూసి ఎంజాయ్ చేయడానికి, ఇలా డైరెక్ట్ గా స్ట్రీమింగ్ యాప్స్ లో రిలీజ్ చేయడానికి కాదని ఖరాఖండిగా నో చెప్పారట. దాంతో ఇప్పుడు స్ట్రీమింగ్ యాప్స్ కొన్ని రోజులు గ్యాప్ ఇచ్చి మళ్ళీ ట్రై చేయాలని చూస్తున్నయట. వేరే సినిమాలను ఈ గ్యాప్ లో కొనాలనే ఆలోచనలో ఉన్నాయని అంటున్నారు…
