కోట్లు పెట్టి సినిమాలు నిర్మించే నిర్మాతలు ఇప్పుడు భయపడుతున్నారు, ఇది వరకు స్టార్ కిడ్స్ తో సినిమా అంటే బిజినెస్ అలాగే కలెక్షన్స్ సాలిడ్ గా వస్తాయి అన్న ధీమా తో ఉండే వాళ్ళు ఇప్పుడు వెనకడుగు వేయడం మొదలు పెట్టారు. బాలీవుడ్ లో ఇప్పుడు నేపోటిజం పై తీవ్ర వ్యతిరేకత ఉన్న నేపధ్యంలో స్టార్ కిడ్స్ నటించిన సినిమా ల పై సుశాంత్ ఫ్యాన్స్ డిస్ లైక్స్ తో తమ వ్యతిరేకత ని…
మరో లెవల్ లో తెలిసేలా వ్యక్తపరుస్తున్నారు. మరో పక్క ఈ విషయాన్నీ ముందు లైట్ తీసుకున్నా సడక్ 2 ట్రైలర్ డిస్ లైక్స్ వరల్డ్ రికార్డ్ తర్వాత పరిస్థితి ఎంత సీరియస్ గా ఉందో అర్ధం చేసుకున్నారు. లేటెస్ట్ గా ఆడియన్స్ ముందుకు….
రాబోతున్న అప్ కమింగ్ మూవీ ఖాళీ పీలి సినిమా టీసర్ రిలీజ్ అవ్వగా వరల్డ్ రికార్డ్ డిస్ లైక్స్ తో షాక్ తగిలింది, దాంతో మంచి రేటు పెట్టి కొనడానికి ముందుకు వచ్చిన OTT వాళ్ళు ఇప్పుడు కొత్త పద్దతిలో టికెట్ రేటు పెట్టి కొన్న వాళ్లకి సినిమా చూపుతాం అంటూ తప్పించుకున్నారు.
ఇలాంటి టైం లో ట్రైలర్ రిలీజ్ చేసి క్రేజ్ కొంచం పెంచుకుందాం అనుకుంటున్నారు కానీ ఎక్కడ ట్రైలర్ కి కూడా డిస్ లైక్స్ వరద పారుతుందో అని ట్రైలర్ కూడా రిలీజ్ చేయడానికి భయపడుతున్నారు. సినిమా కోసం సుమారు 25 కోట్ల రేంజ్ బడ్జెట్ పెట్టిన నిర్మాతలు ఇప్పుడు రిజల్ట్ ఎలా ఉంటుందో అన్న టెన్షన్, అలాగే ట్రైలర్ రిలీజ్ చేయాలంటే భయం…
దానికితోడు OTT లో పే పెర్ వ్యూ వలన ఉపయోగమా లేక నష్టమా అన్న భయంలో ఉన్నారట. టీసర్ కి మాత్రం పాజిటివ్ రెస్పాన్స్ వచ్చినప్పటికీ సినిమా రిలీజ్ వరకు భయం భయంగా ఉంటున్నారు. మరో పక్క సుశాంత్ ఫ్యాన్స్ మాత్రం ఈ సినిమా ని కూడా బాయికాట్ చేసి తీరాల్సిందే అని డిసైడ్ అయ్యారు. సినిమా అక్టోబర్ 2 న రిలీజ్ కానుంది, మరి పరిస్థితి ఎలా ఉంటుందో చూడాలి…
