అవకాశం వచ్చినప్పుడే సద్వినియోగం చేసుకోవాలి అంటారు, ప్రస్తుతం టాలీవుడ్ లో చాలా సినిమాలు ముందు వచ్చిన అవకాశాలను ఎందుకని వాడుకోలేక పోయాం అనే భాదలో ఉన్నారు. పరిస్థితులు త్వరగా సద్దుకుంటాయని, తమ సినిమాలను థియేటర్స్ లోనే రిలీజ్ చేసుకోవచ్చు అన్న నమ్మకంతో కొద్దిగా వెనుకడుగు వేయగా… అప్పుడు మంచి మంచి ఆఫర్లు రాగా వాటిని పట్టించుకోని వాళ్ళు ఇప్పుడు అలాంటి ఆఫర్ల కోసం ఎదురు చూపులు చూస్తున్నారు అన్నది అందరికీ తెలిసిందే…
సమ్మర్ రేసులో ఆడియన్స్ ముందుకు రావాల్సిన సినిమాల్లో అనుష్క నటించిన నిశబ్దం సినిమా కూడా ఒకటి, ఆ టైం లోనే సినిమా 26 నుండి 28 కోట్ల రేంజ్ డైరెక్ట్ రిలీజ్ ఆఫర్లు రాగా ముందు మేం రిలీజ్ చెయ్యట్లేదు అని ఓపెన్ స్టేట్ మెంట్స్ ఇచ్చారు.
తమ సినిమా అన్ని భాషల్లో కలిపి 35 కోట్ల రేంజ్ రేటు వస్తే అప్పుడు ఆలోచిద్దాం అనుకున్నారు యూనిట్… కానీ టైం గడుస్తున్న కొద్దీ బజ్ మెల్లి మెల్లిగా తగ్గుతూ ఉండటం డైరెక్ట్ రిలీజ్ ఆఫర్లు తగ్గే టైం లో వి మూవీ అనౌన్స్ మెంట్ అందరికీ గట్టి షాక్ ఇచ్చింది. దాంతో అన్ని సినిమాల రేట్లు తగ్గాయి…
ఆ ఎఫెక్ట్ అనుష్క నిశబ్దం సినిమా పై కూడా పడగా సినిమా ను 35 కోట్ల రేంజ్ లో అమ్మాలి అనుకున్నా ఇప్పుడు ఫైనల్ రేటు 24.5 కోట్ల రేంజ్ లో ఆల్ మోస్ట్ ఫిక్స్ అయ్యింది అని ఇండస్ట్రీ లో టాక్ వినిపిస్తుంది. అంటే ముందు చేసిన ఆఫర్స్ కన్నా యూనిట్ అంచనా వేసిన రేటు కన్నా కూడా ఇప్పుడు…..
ఫైనల్ రేటు మరింత తగ్గింది అని చెప్పొచ్చు. సినిమా ను చాలామంది ఎలాంటి అప్ డేట్స్ లేకపోవడం మర్చిపోయే పరిస్థితికి వచ్చారు. దాంతో ఇక సినిమా డైరెక్ట్ రిలీజ్ కే సిద్ధం చేయాలనీ ఫిక్స్ అయ్యారు యూనిట్. త్వరలోనే సినిమా పై అఫీషియల్ అనౌన్స్ మెంట్ రాబోతుందని సమాచారం.
