బాణం, సోలో లాంటి మంచి సినిమాలతో కెరీర్ మొదలు పెట్టడం తర్వాత వరుస ఫ్లాఫ్స్ తో కెరీర్ లో పూర్తిగా డౌన్ అయిన హీరోల్లో నారా రోహిత్ కూడా ఒకరు, బాణం అనే డిఫెరెంట్ సినిమా తో టాలీవుడ్ లో ఎంట్రీ ఇచ్చి కమర్షియల్ హిట్ కొట్టకపోయినా మంచి లాంచింగ్ మూవీగా ప్రశంసలు సొంతం చేసుకోగా తర్వాత రెండో సినిమా సోలో తో సూపర్ డూపర్ హిట్ ని సొంతం చేసుకున్నాడు.
దాంతో వరుస ఆఫర్లు వెల్లువలా వచ్చినా కానీ సరైన హిట్స్ లేక మార్కెట్ మొత్తం కోల్పోయిన నారా రోహిత్ రీసెంట్ టైం లో సోలో మూవీస్ పెద్దగా చేయడం లేదనే చెప్పాలి, కొన్ని సైడ్ రోల్స్ చేసినప్పటికీ మెయిన్ లీడ్ లో రీసెంట్ మూవీస్ ఏమి రాలేదు.
ఇప్పుడు కొద్దిగా గ్యాప్ తీసుకుని ఒక వార్ బేస్ మూవీ చేస్తున్న నారా రోహిత్ ఇప్పుడు మరో బిగ్ మూవీ లో స్పెషల్ రోల్ చేస్తున్నాడు అంటూ వార్తలు వస్తున్నాయి. అది మరేదో సినిమా కాదు స్టైలిష్ స్టార్ అల్లు అర్జున్ సుకుమార్ ల కాంబో లో వస్తున్న పుష్ప సినిమా.
సుమారు 100 కోట్ల రేంజ్ బడ్జెట్ తో పాన్ ఇండియా లెవల్ లో రూపొందుతున్న ఈ సినిమా షూటింగ్ షెడ్యూల్ త్వరలోనే తిరిగి మొదలు అవ్వాల్సి ఉండగా సినిమా లో ఓ కీలక మైన రోల్ కోసం కొంతమందిని ట్రై చేశారట యూనిట్. కానీ లాస్ట్ కి ఆ ఆఫర్ ఇప్పుడు నారా రోహిత్ దగ్గరకు వచ్చి ఆగిందని అంటున్నారు.
ఒక వేల నారా రోహిత్ ఓకే అంటే తన కెరీర్ కి సినిమా మంచి బూస్టప్ ఇచ్చే అవకాశం ఎంతైనా ఉందని చెప్పాలి. మరి నారా రోహిత్ నిర్ణయం ఏంటి అనేది ఆసక్తిగా మారగా ఈ 2 సినిమాలు అనుకున్నట్లు హిట్స్ అయితే మట్టుకు తన కెరీర్ టర్న్ అవ్వడం ఖాయమని విశ్లేషకులు అంచనా వేస్తున్నారు..
