లాక్ డౌన్ టైం లో సోషల్ మీడియా లో ఎంతో కొంత ఊపు ఇచ్చింది ఏదైనా ఉందీ అంటే అది కచ్చితం గా మెగాస్టార్ చిరంజీవి ట్విట్టర్ ఎంట్రీ అనే చెప్పాలి. ట్విట్టర్ లో అడుగు పెట్టినప్పటి నుండి మెగాస్టార్ అల్ట్రా యాక్టివ్ గా ఉంటూ సోషల్ మీడియా లో తన సినిమాల గురించే కాకుండా ఇతర హీరోల గురించి చారిటీ పనుల గురించి కూడా చెబుతూ ఫుల్ జోష్ మీదున్నాడు.
ఇక కుదిరినప్పుడల్లా ఇంటర్వ్యు లు కూడా ఇస్తున్న మెగాస్టార్ చిరంజీవి రీసెంట్ గా ప్రస్తుతం తాను కొరటాల శివ తో చేస్తున్న ఆచార్య సినిమా తర్వాత కమిట్ అయిన సినిమాలను ఓపెన్ గా అనౌన్స్ చేశారు. అవి ఒకింత షాక్ కి గురి చేసే లైనప్ అని చెప్పొచ్చు.
ఏకంగా 3 కొత్త సినిమాలను అనౌన్స్ చేసిన మెగాస్టార్ లిస్టు లో చివరి పేరు మాత్రం అందరికీ ఓ రేంజ్ లో షాక్ ఇచ్చింది అని చెప్పొచ్చు. ఆచార్య తర్వాత సాహో ఫేం సుజీత్ తో లూసిఫర్ సినిమా తెలుగు రీమేక్ చేయబోతున్న మెగాస్టార్, తర్వాత సినిమా ను బాబీ డైరెక్షన్ లో చేయబోతున్నట్లు అనౌన్స్ చేశాడు.
ఇక చిరు155 మూవీ మాత్రం శక్తి, షాడో లాంటి డిసాస్టర్స్ తర్వాత పూర్తిగా మూవీస్ కి దూరం అయిన మెహర్ రమేష్ డైరెక్షన్ లో ఉండబోతుందని అనౌన్స్ చేసి అందరికీ షాక్ ఇచ్చాడు చిరు. బిల్లా, కంత్రి పర్వాలేదు అనిపించినా శక్తి మరియు షాడో మాత్రం ఊహకందని ఫ్లాఫ్స్ అయ్యాయి.
దాంతో అప్పటి నుండి మూవీస్ కి దూరం అయిన మెహర్ రమేష్ ఇప్పుడు చిరు 155 తో రీ ఎంట్రీ ఇవ్వడానికి సిద్ధం అవుతున్నాడు. మెగాస్టార్ అప్ కమింగ్ లైనప్ లో మేం ఇప్పుడు ఎక్కువగా ఎదురు చూసేది, మెహర్ రమేష్ ఎలా చిరు ని ప్రజెంట్ చేస్తాడు అని… మరి మీరు ఎదురు చూసే ప్రాజెక్ట్ ఏంటో కింద కామెంట్ సెక్షన్ లో చెప్పండి…
