ప్రస్తుతం టాలీవుడ్ లో సాలిడ్ ఫామ్ తో దూసుకు పోతున్న హీరోల్లో సూపర్ స్టార్ మహేష్ బాబు ఒకరు, స్పైడర్ దానికన్నా ముందు బ్రహ్మోత్సవం ఫ్లాఫ్స్ తర్వాత తన కెరీర్ లో ఇప్పుడు బాక్ టు బాక్ హిట్స్ తో ఫుల్ జోష్ మీదున్నాడు సూపర్ స్టార్ మహేష్ బాబు. ఇక రీసెంట్ గా సంక్రాంతి బరిలో సాలిడ్ విజయాన్ని పోటి లో కూడా అందుకుని సత్తా చాటుకున్నాడు మహేష్ బాబు.
ఆ సినిమా సాధించిన విజయం తర్వాత కొత్త సినిమా కమిట్ అవ్వడానికి కొంత సమయం తీసుకున్న సూపర్ స్టార్ ఇప్పుడు గీత గోవిందం ఫేం పరశురాం డైరెక్షన్ లో తన అప్ కమింగ్ మూవీ చేయబోతున్నాడు, ఈ సినిమా ఫ్యామిలీ అండ్ యాక్షన్ రెండూ కలగలపి ఉంటుందట.
ఇందులో మహేష్ హిరోయిజమ్స్ కూడా ఈ సారి సాలిడ్ గా ఉంటాయని అంటున్నారు. ఇక ఈ సినిమా అఫీషియల్ గా ఈ నెల 31 న మొదలు అవ్వబోతుందని సమాచారం. సూపర్ స్టార్ కృష్ణ పుట్టిన రోజు కానుకగా మొదలు కాబోతుందట ఈ సినిమా. ఇక ఇదే రోజు ఫ్యాన్స్ కి మరో ట్రీట్ కూడా ఉందని టాక్…
అదేంటంటే సినిమా ప్రీ లుక్ లేదా టైటిల్ అనౌన్స్ మెంట్ కృష్ణ పుట్టిన రోజున ఉండే అవకాశం ఎక్కువగా ఉందని అంటున్నారు. రెండింటిలో ఏది నిజం అయినా ఫ్యాన్స్ కి పండగే అని చెప్పాలి. ప్రీ లుక్ రిలీజ్ చేస్తే సినిమా కాన్సెప్ట్ కొద్దిగా తెలిసేలా రిలీజ్ చేస్తారని, లేదంటే టైటిల్ అనౌన్స్ మెంట్ చేసి…
లుక్ ని మహేష్ పుట్టిన రోజుకి షిఫ్ట్ చేస్తారనే టాక్ కూడా ఉంది కానీ మొత్తం మీద 2 అంశాల్లో ఏది నిజం అయినా ఫ్యాన్స్ కి కచ్చితంగా ఇది ఆనందమే అని చెప్పాలి. ఇక ఈ సినిమా లాక్ డౌన్ తర్వాత షూటింగ్ మొదలు కానుండగా వచ్చే ఇయర్ సమ్మర్ ని టార్గెట్ చేసి ఈ సినిమా రిలీజ్ అయ్యే అవకాశం ఉందని సమాచారం.
