ఇండస్ట్రీ లో ఒకరితో అనుకున్న సినిమా లు మరొకరితో జరగడం అన్నది సర్వ సాధారణం అని చెప్పొచ్చు. కథలు నచ్చకనో, డేట్స్ లేకనో, ఒకరికొకరికి పడక పోవడం లాంటి కారణాల వల్ల సినిమా ప్రాజెక్ట్స్ ఎక్కువగా ఒకరి నుండి ఒకరి కి మారుతూ ఉంటాయి. రీసెంట్ టైం లో ఇలా ఒక హీరోతో అనుకుని మరో హీరోతో చేసిన సినిమాలు చాలా నే ఉన్నాయి. ఇప్పుడు ఈ కోవలోకి మరో సినిమా చేరబోతోంది.
టాలీవుడ్ లో సినిమా చూపిస్తా మావా, నేను లోకల్, హలో గురు ప్రేమ కోసమే లాంటి సినిమాలతో మినిమమ్ గ్యారెంటీ డైరెక్టర్ గా పేరు తెచ్చుకున్న త్రినాధరావ్ నక్కిన ఓ మంచి కథ ని సిద్ధం చేసుకుని విక్టరీ వెంకటేష్ దగ్గరికి వెళ్లి కథని వినిపించారట.
ఆ కథ బాగున్నప్పటికీ ప్రస్తుతం కమిట్ అయిన సినిమాల వల్లనే లేక డేట్స్ వలనో తెలియదు కానీ వెంకీ ఆ సినిమా కి నో చెప్పారని టాక్ ఉంది, దాంతో ఆ కథ ని మాస్ మహారాజ్ రవితేజ కి వినిపించగా కొన్ని చిన్న చిన్న మార్పులతో మాస్ మహారాజ్…
ఈ సినిమా ను ఆల్ మోస్ట్ ఒప్పుకున్నారని టాక్ ఉంది, ప్రస్తుతం కంబ్యాక్ కోసం ఎదురు చూస్తున్న రవితేజ ప్రస్తుతం క్రాక్ మూవీ తో బిజీ గా ఉండగా ఈ సినిమా తర్వాత పెర్ఫెక్ట్ కమర్షియల్ ఎంటర్ టైనర్ కోసం ఎదురు చూస్తున్న తరుణం లో ఈ సినిమా కథ రావడం తో పెర్ఫెక్ట్ లైనప్ సెట్ అయిందన్న భావనలో ఉన్నారట.
క్రాక్ ఆల్ మోస్ట్ షూటింగ్ కంప్లీట్ అవ్వగా ఈ లాక్ డౌన్ లోపు కథ కంప్లీట్ గా సిద్ధం అయితే లాక్ డౌన్ ముగిసిన వెంటనే రవితేజ ఈ సినిమా ను మొదలు పెట్టె అవకాశం ఉందని చెప్పొచ్చు. త్రినాధ రావ్ నక్కిన ఇది వరకు సినిమాల రిజల్ట్ ని బట్టి రవితేజ కి కచ్చితంగా సాలిడ్ హిట్ ఇచ్చే అవకాశం ఉందని ఇండస్ట్రీ లో చెప్పుకుంటున్నారు….
